హరీష్ శంకర్ ట్వీట్.. డైలామాలో నెటిజన్లు.. బన్నీ-మహేష్ ఫ్యాన్స్ వార్

పోస్టర్లతో పోటీ..

కలెక్షన్స్, రికార్డులు అంటూ ఇరు చిత్ర యూనిట్లు చేసే పనులు మరీ వేళాకోళంగా మారాయి. తెల్లవారితే చాలు పది కోట్లు లేదా ఇరవై కోట్లు కలిపి ఓ పోస్టర్ వేసేయడం.. దాంతో అవతలి టీమ్ మరోటి వదలడం లాంటి వాటితో నిజమైన కలెక్షన్లు ఏవో తెలుసుకోలేని పరిస్థితికి వచ్చారు.

మొదలుపెట్టిన అల..

అల వైకుంఠపురములో సినిమా మార్నింగ్ షో అయిపోగానే... సంక్రాంతి విన్నర్ అంటూ పోస్టర్ వేసారు. దాంతో సరిలేరు టీమ్.. బ్లాక్ బస్టర్ కా బాప్, సంక్రాంతి మొగుడు అంటూ పోస్టర్లను రిలీజ్ చేశారు. అక్కడి ఈ వ్యవహారం.. ఇండస్ట్రీ రికార్డులు, నాన్ బాహుబలి రికార్డుల వరకు వెళ్లింది.

అన్ని సినిమాలు ఆడాలి..

అయితే బన్నీ, కళ్యాణ్ రామ్ మాత్రం.. ప్రీ రిలీజ్ ఈవెంట్లో మాట్లాడుతూ అన్ని సినిమాలు హిట్ కావాలి, మంచిగా ఆడాలని కోరుకున్నారు. మహేష్ మాత్రం ఈ విషయంలో పెదవి విప్పలేదు. అయితే ఈ విషయంపై సోషల్ మీడియాలో కాస్త నెగెటివిటీ పెరిగింది.

Darbar Pre Release Event : Harish Shankar's Request Makes Rajini Laugh !

తాజా ట్వీట్‌తో డైలామా..

హరీష్ శంకర్ చేసిన ఓ ట్వీట్ అందర్నీ డైలామాలో పడేసింది. నేనూ గెలవాలి.. ఆల్ ది బెస్ట్.. నేను గెలవాలి.. ఓకే.. నేనే గెలవాలి సారీ బాస్.. అంటూ ఓ పజిల్ లాంటి ట్వీట్ చేశాడు. ఇక దీని కింద ఉన్న కామెంట్లను పరిశీలిస్తే.. బన్నీ-మహేష్ ఫ్యాన్స్ మధ్య వార్ మొదలైనట్టు తెలుస్తోంది. బన్నీ టీమ్ మొదట ఈ పోస్టర్లను రిలీజ్ చేసిందని మహేష్ ఫ్యాన్స్ అంటే.. తన సినిమా గురించి మాత్రమే మాట్లాడాడు.. మిగితా సినిమాల గురించి ఒక్క మాట కూడా చెప్పలేదని బన్నీ ఫ్యాన్స్ కౌంటర్లు వేస్తున్నారు. మధ్యలో ఉండేవారు.. అసలింతకు వాటి అర్థమేంటని హరీష్ శంకర్‌ను అడుగుతున్నారు. మరి దాని గూఢార్థం ఆయనకే తెలియాలి.