పిల్లల కోసం మంచు లక్ష్మీ ముందడగు.. కూతురుతో కలిసి వచ్చేస్తోంది

మంచు లక్ష్మీ నటన ప్రత్యేకం..

విజయాలు వరించడం పక్కన పెడితే.. నటనలో మాత్రం అందరూ నిరూపించుకున్నారు. నటనలో ఆ ముగ్గురు వారికి వారే సాటి అని అనిపించుకున్నారు. ఎలాంటి పాత్రైనా అవలీలగా చేసే మంచు లక్ష్మీ ప్రతినాయకురాలి పాత్రలోనూ మెప్పించింది. ఇలా సక్సెస్‌తో నిమిత్తం లేకుండా వారి పని వారు చేసుకుంటూ వెళ్తున్నారు.

యూట్యూబ్ చానెల్..

ఈ క్రమంలో మంచు లక్ష్మీ తన కూతురు విద్యా నిర్వాణతో కలిసి ఓ యూట్యూబ్ చానెల్‌ను ప్రారంభించనున్నట్లు ప్రకటించింది. పిల్లలు, తల్లిదండ్రులు, నేటి సమాజం, పెంపకం లాంటి విషయాలపై అందరికీ అవగాహన కలిగించేందుకు ఆ చానెల్‌ను ఉపయోగించబోతోన్నట్లు తెలుస్తోంది.

స్పందించిన మోహన్ బాబు..

మంచు లక్ష్మీ యూట్యూబ్ చానెల్‌పై మోహన్ బాబు స్పందిస్తూ.. ‘పిల్లలు దేవుడితో సమానం అంటారు. ఎదిగే కొద్దీ వారి మీద పరిసరాల ప్రభావం పడుతుంది. వాటిల్లో మంచి చెడు తెలుసుకోవాలంటే తల్లిదండ్రులు వారి పెంపకం మీద, ఉపాధ్యాయులు, వారి బోధన మీద ప్రత్యేక దృష్టి పెట్టాలి. వయసుతో పాటు పిల్లల ఆలోచనలు, ఆశయాలు, వ్యక్తిత్వం ఎదగాలి. అలా జరగాలి అంటే పిల్లలను తల్లిదండ్రులు ప్రశ్నించనివ్వాలి. ప్రతి ప్రశ్నకు మనం విసుక్కోకుండా సమాధానాలు ఇవ్వాలి. ఎప్పటికప్పుడు పిల్లలకు ఉండే ప్రతి చిన్న అనుమానాన్ని తొలగించాలి.

తండ్రిగా గర్వపడుతున్నాను..

ప్రస్తుతం ఉన్న ఉరుకుల పరుగుల జీవితంలో ఇలా చేయడం ఎంతమంది తల్లిదండ్రులకు సాధ్యమవుతుంది? ఇదే ఆలోచన నా బిడ్డ లక్ష్మిప్రసన్నకి వచ్చి, తన బిడ్డ విద్యానిర్వాణ మరియు చాయ్ బిస్కెట్ సంస్థతో కలిసి చిట్టి చిలకమ్మ పేరుతో ఒక యూట్యూబ్ చానెల్‌ను ప్రారంభిస్తున్నానని, పిల్లల పెంపకంలో ఉండే ఒక్కో సమస్యకు ఒక్కో episode చేస్తూ, పిల్లలకు వారి తల్లిదండ్రులకు ఉపయోగపడేలా ఆ వీడియోలు ఉంటాయని చెప్పినప్పుడు తనను కన్న తండ్రిగా గర్వపడ్డాను. ఆనందపడ్డాను.

విజయం సాధించాలి..

ప్రాధమిక జీవిత నైపుణ్యాలతో, తల్లిదండ్రులకు ఉపయుక్తమయ్యే చిట్కాలతో ప్రతీ శనివారం సాయంత్రం ఆరు గంటలకు ప్రసారమయ్యే ఈ ఎపిసోడ్స్‌లో ఒక పిల్లల మానసిక వైద్యురాలు కూడా పాల్గొంటారు. ఇవి ఆహ్లాదకరంగా, ఆమోదయోగ్యంగా, ఉపయోగపడేలా ఉండాలని, నా కుమార్తె లక్ష్మిప్రసన్న, నా ముద్దుల మనవరాలు విద్యానిర్వాణ, వారి బృందం చేసే ఈ ప్రయత్నం అద్భుత విజయం సాధించాలని ఆశీర్వదిస్తున్నా'ని తెలిపాడు.