వామ్మో ఈ వయసులో అంతటి ఫిట్‌నెస్.. నెటిజన్లు షాక్

క్యారెక్టర్ ఆర్టిస్ట్ నుంచి స్టార్ హీరో వరకు ఎదిగిన ఆ తీరే రవితేజకు ఎంతో మంది అభిమాన గణాన్ని తెచ్చిపెట్టింది. మాస్ మహారాజాగా టాలీవుడ్‌లో ఓ స్థాయిలో కూర్చొబెట్టింది. అయితే మాస్‌ను మెప్పించే ప్రయత్నం చేస్తూ వస్తున్న రవితేజ.. ఒకే మూసధోరణిలో వెళ్తున్నాడని ఫ్యాన్స్ సైతం పెదవి విరుస్తున్నారు. అందుకే ఈ మధ్య కాలంలో రవితేజ సినిమాలేవీ ఆడటం లేదు. అందుకే రూట్ మార్చి కొత్త కథలను ఓకే చేస్తున్నాడు.

ఈ క్రమంలో రవితేజ-వీఐ ఆనంద్ కలిసి డిస్కో రాజా అంటూ వచ్చేందుకు ప్రయత్నిస్తున్నారు. ఈ సినిమాలో రవితేజ ఫిట్‌గా.. యంగ్ లుక్‌లో కనిపించబోతోన్నాడు. ఇప్పటికే రిలీజ్ అయిన టీజర్ చూస్తే ఎంత స్టైలీష్‌గా ఉందో అందరికీ తెలిసిపోతుంది. ఈ మూవీ నుంచి విడుదల చేసిన రెండు పాటలు కూడా బాగానే కనెక్ట్ అయ్యాయి. సంక్రాంతి కానుకగా తన అభిమానులకు ట్రీట్ ఇచ్చేందుకు మరో టీజర్‌ను కూడా రెడీ చేయబోతోన్నాడు.

అంతలోపే ఫ్యాన్స్‌కు మరో షాక్ ఇచ్చాడు. తాజాగా ఆయన ఫిట్‌నెస్‌కు సంబంధించిన ఓ పిక్ సోషల్ మీడియాలో హల్ చల్ చేస్తోంది. 12.5 kg డంబెల్‌తో ఎక్సర్ సైజ్ చేస్తూ.. మజిల్స్ కనబడేలా చూపిస్తూ ఉన్న ఫోటో సోషల్ మీడియాలో వైరల్ అవుతోంది. ఈ వయసులో సినిమా కోసం, క్యారెక్టర్ కోసం ఇంతలా కష్టపడుతున్నాడంటూ.. అందుకే మాస్ మహారాజా అయ్యాడని నెటిజన్లు కామెంట్లు పెడుతున్నారు.