Don't Miss!
- News అష్టదిగ్బంధనం - బీఆర్ఎస్ భవిష్యత్ పై కేటీఆర్ కీలక వ్యాఖ్యలు..!!
- Automobiles కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి వీడియో
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
పేదల కోసం 3వేల పాటలు పాడిన సింగర్ చిన్మయి.. ఆ డబ్బుతో వారికి సహాయం
ప్రముఖ సింగర్ చిన్మయి శ్రీపాద ఎలాంటి విషయంలో అయినా కుండ బద్దలు కొట్టి మాట్లాడుతుందనేది అందరికి తెలిసిన విషయమే. ఇక అప్పుడప్పుడు ఆమె కొన్ని మంచి పనులతో కూడా అభిమానులను ఎక్కువగా ఆకర్షిస్తూ ఉంటుంది. ఇక కరోనా వైరస్ లాక్ డౌన్ కారణంగా ఇబ్బందులు పడుతున్న ఎన్నో పేద కుటుంబాల కోసం ఆమె చేసిన సహాయానికి అభిమానులు కూడా తొడయ్యారు.
82లక్షల రూపాయల విరాళాలు
ఈ రోజుల్లో చాలా తక్కువమంది సెలబ్రెటీలు మాత్రమే వారి టాలెంట్ ని కొన్ని మంచి పనుల కోసం ఉపయోగిస్తారు. ఇక చిన్మయి తన గాత్రంతో 82లక్షల రూపాయల విరాళాలు సేకరించింది. ఆ డబ్బును ఆమె పేద వారికోసం మాత్రమే ఉపయోగిస్తానని చెప్పింది. లాక్ డౌన్ వల్ల వేలాది కుటుంబాకు రోడ్డున పడే పరిస్థితి ఏర్పడింది.
డోనేషన్స్ కోసం విషెస్..
ఏప్రిల్ నెలలోనే సింగర్ చిన్మయి ఎలాగైనా తనవంతు సహాయం చేయాలని ఒక అద్భుతమైన కార్యక్రమానికి శ్రీకారం చుట్టింది. పుట్టినరోజున ప్రత్యేకంగా ఎవరికైనా విషెస్ తెలపాలి అనుకున్నా.. అలాగే ఏదైనా పాటను డెడికేట్ చేయాలని అనుకున్నా ముందుగా చారిటికి ఎంతో కొంత ఎమౌంట్ డొనేట్ చేయాలి.
3వేలకు పైగా పాటలు
డోనేషన్ కి సంబంధించిన స్క్రీన్ షాట్ తనకు పంపిస్తే తప్పకుండా వారు కోరినట్లు విషెస్ అంధించడమే కాకుండా స్పెషల్ గా పాట కూడా పాడతానని చెప్పింది. అనుకున్నట్లుగానే చిన్మయికి భారీ స్థాయిలో మద్దతు లభించింది. ఇక ఆమె దాదాపు 3వేలకు పైగా పాటలు పాడి రికార్డ్ క్రియేట్ చేశారు. ఇక ఆ విషెస్ ద్వారా 82లక్షల రూపాయల విరాళాలను సేకరించారు.
Recommended Video
800 మంది కుటుంబాల కోసం
తమిళనాడులని 800 మంది కుటుంబాల ధీన పరిస్థితి గురించి తెలుసుకున్న చిన్మయి ముందుగా వారికి సహాయం చేయాలని నిర్ణయం తీసుకుంది. చాలా మంది పిల్లల తల్లిదండ్రులు కూలీలు కావడంతో లాక్ డౌన్ లో పూట గడవడమే కష్టంగా మారిందని, మరికొందరు అనారోగ్యానికి గురై తీవ్ర ఇబ్బందులు పడుతున్నట్లు తెలియగానే తన మనసు చలించిపోయిందని వివరణ ఇస్తూ.. అందుకే ఇలా డబ్బులు సంపాదించి వారికి సహాయం చేస్తున్నట్లు చిన్మయి తెలిపింది.