SS Rajamouli కి యాంకర్ సుమ పంచ్.. మోకాళ్ల నొప్పులు రాకముందే అంటూ.. మహేష్ బాబు మూవీ గురించి సెటైర్

ఫ్రాంచైజీకి ఫ్యాన్స్‌ ఉండటం..

ఇండియాలో ఫ్రాంచైజీకి ఫ్యాన్స్‌ ఉండటం హిట్ సినిమాకే దక్కింది. డైరెక్టర్‌ ఫ్రాంచైజీలో హీరో ఎవరు ఉన్నా.. దానిని చూడటానికి ఇష్టపడటం నిజంగా నాకు నచ్చిన విషయం. హిట్ 1లో విశ్వక్ సేన్, హిట్ 2లో అడివి శేష్ ఉండటం చాలా ఇంట్రెస్టింగ్‌గా ఉంది. విశ్వక్ సేన్, శేషు ఈ ఫ్రాంచైజీని మరో లెవెల్ తీసుకెళ్లారు. ఈ సినిమాకు ఫేసులు ముఖ్యం కాదు.. కంటెంట్ ముఖ్యమని హిట్ నిరూపిస్తున్నది అని ఎస్ ఎస్ రాజమౌళి అన్నారు.

కోడి బుర్రలను పట్టుకోవడం

హిట్ 2 ట్రైలర్ నాకు బాగా నచ్చింది. ఈ ట్రైలర్ చూస్తే మ్యూజిక్, రీరికార్డింగ్ బాగుంది. ఈ సినిమాలో కోడి బుర్రలను పట్టుకోవడం చాలా ఈజీ అనే డైలాగ్ ఉంది. కానీ కోడి బుర్రకు సవాల్ విసిరిన హంతకుడిని చూడాలనే ఉత్సుకత కలిగింది. కోడి బుర్ర అంటూ ఛాలెంజ్ విసరడం నాకు చాలా నచ్చింది. థ్రిల్లర్ జానర్‌ను అద్బుతంగా రూపొందించారు. శైలేష్ ఈ సినిమా భారీ హిట్ కావడంలో ఎలాంటి డౌట్ లేదు అని రాజమౌళి జోస్యం చెప్పారు.

హిట్ ఫ్రాంచైజీల రిలీజ్ డేట్‌పై జక్కన్న సలహా

హిట్ ఫ్రాంచైజ్‌లో హిట్ 3, 4, 5 వస్తాయి. కానీ ఈ సిరీస్ ప్రతీ సంవత్సరం, ఒకే నెల, ఒకే తేదీ, లేదా ఒకేవారంలో రిలీజ్ అయ్యేలా ప్లాన్ చేయాలి. అప్పుడు ప్రతీ సంవత్సరం ప్రేక్షకులు ఎదురు చూసేలే చేయవచ్చు. అలా రిలీజ్ చేస్తారని నేను భావిస్తున్నాను. ఈ సినిమాలో టెక్నికల్‌గా బాగున్నది. మీనాక్షి, శేషు కెమిస్ట్రీ బాగుంది. మ్యూజిక్ బాగుంది. శ్రీలేఖ రాసిన ఉరికే పాట బాగుంది. ఈ సినిమా డిసెంబర్ 2వ తేదీన రిలీజ్ అవుతుంది. మనమంతా ఆ రోజు థియేటర్లలో కలుద్దాం అని రాజమౌళి తన స్పీచ్‌ను ముగించారు.

ఎస్ఎస్ రాజమౌళితో చిలిపిగా సుమ

అయితే రాజమౌళి స్పీచ్ ముగిసిన తర్వాత తనదైన శైలిలో యాంకర్ సుమ ఆటపట్టించే ప్రయత్నం చేసింది. మీరు ఆస్కార్ లెవెల్‌కు వెళ్లారు. పెద్ద పెద్ద యాంకర్లతో మాట్లాడుతుంటారు. మా లాంటి చిన్న యాంకర్లతో ప్రశ్నలు అడిగితే సమాధానం చెబుతారా? అంటూ సుమ నసిగింది. మిమ్మల్ని ప్రశ్న అడగొచ్చా అని అంటే.. అడగండి.. అని రాజమౌళి అన్నారు. దాంతో మహేష్ బాబుతో సినిమా ఎప్పుడు, RRR2 ఎప్పుడు అంటూ ప్రశ్నలు అడిగింది.

మహేష్ బాబు, జక్కన మూవీపై సెటైర్

సుమ అడిగిన ప్రశ్నలకు రాజమౌళి సమాధానం దాటవేస్తూ.. ఆ రెండు సినిమాల ప్రీ రిలీజ్‌కు నీవే యాంకర్ అంటూ అన్నారు. దాంతో సుమ ఆనందంలో మునిగిపోయింది. అయితే నాకు మోకాళ్ల నొప్పులు రాకముందే తొందరగా ప్రీ రిలీజ్ పెట్టండి అంటూ రాజమౌళిపై సుమ సెటైర్ వేసింది. దాంతో రాజమౌళి తన సినిమాలను రిలీజ్ చేయడానికి చాలా టైమ్ తీసుకొంటారనే విషయంపై సుమ తనదైన శైలిలో పంచ్ వేసింది.