Click it and Unblock the Notifications
Ranga Ranga Vaibhavanga: బటర్ఫ్లై కిస్తో వైష్ణవ్ తేజ్ రచ్చ.. అంచనాలు పెంచిన టీజర్
తెలుగు సినీ ఇండస్ట్రీలో మెగా ఫ్యామిలీకి ఎంతటి ప్రత్యేకమైన గుర్తింపు ఉందో అందరికీ తెలిసిందే. దీనికి కారణం ఆ కుటుంబం నుంచి మెగాస్టార్ చిరంజీవి తర్వాత ఎంతో మంది హీరోలుగా పరిచయం అవడమే. సుదీర్ఘ కాలంగా ఈ ఫ్యామిలీ నుంచి ఎంతో మంది టాలీవుడ్లోకి ఎంట్రీ ఇచ్చారు. ఈ క్రమంలోనే గత ఏడాది మరో హీరో కూడా వచ్చాడు. అతడే చిరంజీవి చిన్న మేనల్లుడు పంజా వైష్ణవ్ తేజ్. చిన్నప్పుడు 'శంకర్ దాదా ఎంబీబీఎస్' చిత్రంలో నటించిన అతడు.. బుచ్చిబాబు సన తెరకెక్కించిన 'ఉప్పెన' అనే మూవీతో హీరోగా పరిచయం అయ్యాడు. ఇది సూపర్ డూపర్ హిట్ అయింది. అంతేకాదు, యాభై కోట్లకు పైగా కలెక్షన్లను సాధించింది. దీంతో అతడికి గ్రాండ్ ఎంట్రీ దక్కింది.
ఇక, 'ఉప్పెన' మూవీ ప్రేక్షకుల ముందుకు రాకముందే మెగా హీరో పంజా వైష్ణవ్ తేజ్ తన రెండో చిత్రం 'కొండపొలం'ను ప్రారంభించాడు. ఆ వెంటనే అంటే చాలా తక్కువ రోజుల్లోనే షూటింగ్ మొత్తాన్ని పూర్తి చేసుకున్నాడు. అయితే, ఇది పోస్ట్ ప్రొడక్షన్ పనులు చేసుకోడానికి చాలా సమయం తీసుకుంది. టాలీవుడ్లో టాలెంటెడ్ డైరెక్టర్లలో ఒకడైన క్రిష్ జాగర్లమూడి రూపొందించిన ఈ చిత్రంలో రకుల్ ప్రీత్ సింగ్ హీరోయిన్గా చేసింది. ఎంతో ప్రతిష్టాత్మకంగా రూపొందిన ఈ చిత్రం కొద్ది రోజుల క్రితమే గ్రాండ్గా విడుదలైంది. ఎన్నో అంచనాలతో విడుదలైన ఈ సినిమాకు ఆశించిన స్థాయిలో ఫలితం దక్కలేదు. దీంతో వైష్ణవ్ రెండో ప్రయత్నం నిరాశనే మిగిల్చింది.
ఒక సినిమాతో వంద కోట్ల గ్రాస్ మార్కును అందుకున్న వైష్ణవ్ తేజ్.. రెండో సినిమాతో నటుడిగా ఎంతో పరిణితి పొందినట్లు కనిపించాడు. ఇది విజయాన్ని అందుకోకున్నా అతడికి మాత్రం మంచి గుర్తింపును తెచ్చిపెట్టింది. మొత్తంగా హీరోగా ఒక విజయం.. ఒక పరాజయం అందుకున్న వైష్ణవ్ తేజ్.. ఇప్పుడు మరిన్ని సినిమాలను లైన్లో పెట్టుకుంటున్నాడు. ఈ క్రమంలోనే ప్రస్తుతం అతడు 'రంగరంగ వైభవంగా' అనే సినిమాను చేస్తున్నాడు. గిరీశయ్య అనే దర్శకుడు ఈ చిత్రాన్ని తెరకెక్కిస్తోన్నాడు. ఇది ఫీల్ గుడ్ రొమాంటిక్ ఎంటర్టైనర్గా రూపొందనుందని తెలుస్తోంది. తాజాగా ఈ సినిమాకు సంబంధించిన టైటిల్ టీజర్ను తాజాగా విడుదల చేశారు.
వైష్ణవ్ తేజ్ ప్రస్తుతం రెండు మూడు సినిమాలను లైన్లో పెట్టుకున్న విషయం తెలిసిందే. అందులో 'రంగరంగ వైభవంగా' మూవీ ఒకటి. క్రేజీ కాంబినేషన్లో ఎంతో ప్రతిష్టాత్మకంగా రాబోతున్న ఈ సినిమా టైటిల్ టీజర్ ఎంతో రొమాంటిక్గా కనిపించింది. ఇందులో హీరోయిన్ కేతిక శర్మ.. వైష్ణవ్ తేజ్కు బటర్ఫ్లై కిస్ను చూపిస్తుంది. దీంతో ఈ వీడియోకు భారీ స్థాయిలో స్పందన వస్తోంది. మరీ ముఖ్యంగా యూత్ను ఇది బాగా ఆకట్టుకుంటోంది. దీంతో ఇది చాలా తక్కువ సమయంలోనే వైరల్ అయిపోయింది.
రొమాంటిక్ ఎంటర్టైనర్గా రూపొందనున్న 'రంగరంగ వైభవంగా' మూవీ యూత్ఫుల్ లవ్ స్టోరీతో తెరకెక్కనుందని తెలుస్తోంది. ఇందులో వైష్ణవ్ తేజ్ పాత్ర ఎంతో కొత్తగా ఉంటుందని అంటున్నారు. ఇక, ఈ మూవీలో కేతిక శర్మ హీరోయిన్గా నటిస్తోంది. శ్రీ వెంకటేశ్వర సినీ చిత్ర బ్యానర్పై బీవీఎస్ఎన్ ప్రసాద్ దీన్ని ఎంతో ప్రతిష్టాత్మకంగా నిర్మిస్తున్నారు. దేవీ శ్రీ ప్రసాద్ ఈ చిత్రానికి సంగీతం అందిస్తున్నాడు.
Continue with Google