బాలయ్య సినిమాను రిజెక్ట్ చేసిన కుర్ర హీరో.. బోయపాటి షాక్!

మూడవసారి కలవడంతో..

నందమూరి బాలకృష్ణ, బోయపాటి కలయికలో వచ్చిన మొదటి సినిమా సింహా. ఆ మూవీ ఏ రేంజ్ లో హిట్టయ్యిందో స్పెషల్ గా చెప్పనవసరం లేదు. ఆ తరువాత వచ్చిన లెజెండ్ కూడా ఊహించని విదంగా రికార్డులను బ్రేక్ చేసింది. ఇక మూడవసారి కలిసి చేస్తున్న సినిమాపై అయితే ఓ వర్గం అభిమానుల్లో అంచనాలు భారీగానే ఉన్నాయి.

ఆలస్యం అయినా పరవలేదని..

దర్శకుడు బోయపాటి, హీరో బాలకృష్ణ ఈ సినిమాతో ఎలాగైనా హిట్ కొట్టాలని చూస్తున్నారు. ఎందుకంటే వీరు చేసిన గత సినిమాలు బాక్సాఫీస్ వద్ద దారుణమైన రిజల్ట్ ను అందుకున్నాయి. అందుకే సినిమా కోసం చాలా జాగ్రత్తలు తీసుకుంటున్నారు. ఎంత ఆలస్యం అయినా పరవలేదని ప్రతి విషయాన్ని ఒకటికి పదిసార్లు ఆలోచించి ఆచరణలో పెడుతున్నారు.

ఊహించని విదంగా ఉండాలని

ఇక సినిమాలో ఒక ముఖ్యమైన పాత్ర కోసం దర్శకుడు బోయపాటి గత కొంతకాలంగా యువ హీరోలను సంప్రదిస్తున్నట్లు తెలుస్తోంది. ప్రతి సినిమాలో ఈ దర్శకుడు ఎదో ఒక పాత్రలో ఒకప్పుడు హీరోగా ఇన్నవారినైనా లేకపోతే ప్రస్తుతం ఉన్న యంగ్ హీరోలైనా స్పెషల్ గా ప్రజెంట్ చేస్తుంటాడు. ఇక ఈ సారి ఎవరు ఊహించని విదంగా ఉండాలని టాలెంటెడ్ యాక్టర్ ను అనుకున్నారట.

పవర్ఫుల్ పాత్ర కోసం నిఖీల్..

ఈ సినిమాలో ఒక పవర్ఫుల్ పాత్ర కోసం యువ హీరో నిఖీల్ ను సంప్రదించినట్లు తెలుస్తోంది. మొదట ఆది పినిశెట్టి, నారా రోహిత్ ను అనుకున్నట్లు టాక్ వచ్చింది. ఇక రీసెంట్ గా నిఖీల్ కు క్యారెక్టర్ గురించి చెప్పారట. అయితే కొన్ని రోజులు టైమ్ అడిగిన ఆ యువ హీరో చివరికి ఆ పాత్రను చేయలేనని రిజెక్ట్ చేయడంతో బోయపాటి షాక్ అయ్యారట. దీంతో ఒక్కసారిగా న్యూస్ సోషల్ మీడియాలో వైరల్ గా మారింది. మరి ఆ పాత్ర కోసం దర్శకుడు ఎవరిని సెలెక్ట్ చేసుకుంటాడో చూడాలి.