14 ఏళ్ల వయసులో నాపై అత్యాచారం.. దారుణాన్ని బయటపెట్టిన అమీర్ ఖాన్ కూతురు

14 ఏళ్ల వయసులో నాపై అత్యాచారం

అప్పుడు నేను 14 ఏళ్ల వయసులో ఉన్నాను. నాపై అత్యాచారప్రయత్నం జరిగింది. నాపై లైంగిక దాడికి పాల్పడింది నాకు తెలిసిన వారే. నాతో వారు చేస్తున్న పని ఏమిటో అర్ధం కాలేదు. కాకపోతే ఏదో జరగకూడదనిది జరిగిందని అనిపించింది. కనీసం వారు చేస్తున్న పని వారికి తెలుసా అనే విషయాన్ని ఆలోచించాను అని ఇరా ఖాన్ తెలిపారు.

మరిచిపోవడానికి ఏడాది పట్టింది

నాకు ఎదురైన సంఘటన రోజు జరిగేది కాదు. కానీ భయంకరమైన సంఘటనను మరిచిపోవడానికి కనీసం ఏడాది కాలం పట్టింది. ఆ సమయంలోనే నా తల్లిదండ్రుల నుంచి సహాయం పొందాలని అనుకొన్నాను. అప్పుడే నా తల్లిదండ్రలు వద్దకు వెళ్లాలని అనుకొన్నాను. వెంటనే నా తల్లిదండ్రులకు ఈమెయిల్ రాశాను అని ఇరా ఖాన్ వీడియోలో తెలిపింది.

మానసికంగా కుంగిపోయాను..

నా బాల్యంలో జరిగిన సంఘటనతో మానసికంగా కుంగిపోయాను. అలాంటి అనుభవం నుంచి బయట పడటానికి నా తల్లిదండ్రులు అమీర్ ఖాన్, రీనా దత్తా వద్దకు వెళ్లాను. వారు తీసుకొన్న చర్యలతో ఆ భయంకర సంఘటనను మరిచిపోవడం జరిగింది. తల్లిదండ్రుల సంరక్షణ ఎంత అవసరమో అప్పుడు అర్ధమైంది అని ఇరా ఖాన్ తెలిపింది.

తల్లిదండ్రుల చొరవతో

నా తల్లిదండ్రుల వద్దకు వెళ్లిన తర్వాత వారు చూపిన చొరవతో ఆ భయంకర సంఘటన నుంచి బయటపడ్డాను. నాకు ఎదురైన చేదు అనుభవం గురించి ఆలోచిస్తే నాకు తప్పు జరిగిందని, తప్పు చేశానని అనుకోలేదు. నా జీవితంలో జరుగాల్సిన ఓ ఘటన జరిగిపోయిందనే భావనతో ఇప్పటికీ ఉన్నాను అని ఇరా ఖాన్ వీడియోలో వెల్లడించారు.

Recommended Video

Aamir Khan's Daughter Ira Enjoys With Boy Friend Mishaal Kirpalani

మానసిక క్షోభ నుంచి

ఆ తర్వాత జీవితంలో ఎదురైన సంఘటనలో మానసిక క్షోభను అనుభవించాను. దాని కోసం నేను చికిత్స తీసుకొని మానసిక స్థైర్యాన్ని కూడగట్టుకొన్నాను. జీవితంలో మానసిక సంఘర్షణలు కామన్. కాబట్టి వాటి నుంచి బయటపడటానికి ప్రయత్నించాలి. అంతేగానీ వాటితో ఎలాంటి అఘాయిత్యాలకు పాల్పడవద్దు అని ఇరా ఖాన్ చెప్పే ప్రయత్నం చేశారు.