రాక్షసుల్లా మాట్లాడకండి ..శ్రీదేవి మృతి గురించి సోషల్ మీడియాలో వైరల్!

పోస్టు మార్టం పూర్తయింది ఈ ఉదయమే

శ్రీదేవి పార్థివ దేహాన్ని దుబాయ్ నుంచి ఇంకా తరలించాల్సి ఉంది. ఈ ఉదయమే శ్రీదేవి పార్థివ దేహానికి శవ పరీక్షలు పూర్తయ్యాయి. ఫోర్సెనిక్ నివేదిక రావాల్సి ఉంది. శ్రీదేవి మృతికి గల కారణాల గురించి అధికారిక సమాచారం వెలువడక ముందే సోషల్ మీడియాలో కొన్ని పుకార్లు చక్కర్లు కొడుతున్నాయి.

శస్త్రచికిత్స కారణమా

శ్రీదేవి మృతికి ప్లాస్టిక్ సర్జరీ కారణం అంటూ కొందరు సోషల్ మీడియాలో కామెంట్లు పెడుతున్నారు. దీనితో ఈ అంశం వివాదంగా మారింది.

రాక్షసుల్లా మాట్లాడకండి

సోషల్ మీడియాలో శ్రీదేవి మృతి గురించి ఇబ్బడి ముబ్బడిగా వస్తున్న వార్తల పట్ల బుల్లితెర ఏక్తా కపూర్ ఘాటుగా స్పందించారు. రాక్షసుల్లా మాట్లాడకండి అంటూ చురకలంటించారు.

కారణం గుండె పోటే

శ్రీదేవి అకాల మరణానికి కారణం గుండె పోటే అని ఏక్తాకపూర్ అన్నారు. వైద్యుడి ద్వారా తాను తెలుసుకున్న వివరాల ప్రకారం హృద్రోగ సమస్యలు లేకపోయినా, సర్జరీలు చేయించుకోకపోయినా కార్డియాక్ అరెస్ట్ అయ్యే అవకాశం ఉందని ఏక్తాకపూర్ వెల్లడించారు.

అవాస్తవాలు కట్టిపెట్టండి

అవాస్తవాలు కట్టిపెట్టి శ్రీదేవి లాంటి నటికి గౌరవం ఇవ్వాలని ఏక్తాకపూర్ నెటిజన్లకు సూచించారు.