కత్రినా కైఫ్‌ను అవమానించిన ఫ్యాన్స్, రోడ్డు మీదే గొడవ... ఏం జరిగిందంటే?

కత్రినాను అవమానించిన అభిమానులు

వాంకోవర్‌లో తన ప్రదర్శన ముగిసన అనంతరం కత్రినా కైఫ్ హోటల్‌ రూంకు బయలుదేరుతుండగా కొందరు అభిమానులు సెల్ఫీల కోసం బయట వెయిట్ చేస్తున్నారు. వారిని కత్రినా కైఫ్ పట్టించుకోకుండా వెళ్లిపోతుండటంతో..... నీతో మేము ఫోటోలు దిగాలనుకోవడం లేదు, సల్మాన్ ఖాన్ కోసమే మేము ఎదురు చూస్తున్నాం అంటూ ఎగతాళి చేస్తూ అవమానించారు.

ఆగ్రహానికి గురైన కత్రినా

తనను ఎగతాళి చేస్తున్నట్లుగా మాట్లాడటంతో కత్రినాకు కోపం వచ్చింది. తనపై కామెంట్స్‌ చేసిన యువతిని ఉద్దేశిస్తూ ‘ఎందుకు ఇలా చేస్తునక్నారు. ప్రదర్శన ముగిశాక మేము అలసిపోయామనే విషయం మీకు ఎందుకు అర్థం చేసుకోరు?' అంటూ వారికి కౌంటర్ ఇచ్చింది.

కత్రినాతో వాదనకు దిగిన యువతి

కత్రినా కౌంటర్ ఇవ్వడంతో సదరు యువతి కూడా ఏ మాత్రం తగ్గకుండా రెచ్చిపోయింది. పెద్ద గొప్ప నటిగా ఫీలవ్వకు, నీ కోసం గంటల తరబడి వెయిట్ చేస్తున్న అభిమానులతో ఎలా మసులుకోవాలో తెలుసుకో? అంటూ రివర్స్ కౌంటర్ ఇచ్చింది. ఈ గొడవను పెద్దగా చేయడం ఇష్టం లేక చివరకు అభిమానులతో సెల్ఫీలకు ఫోజులు ఇచ్చింది.

వీడియో వైరల్

కత్రినాకు, అభిమానులకు మధ్య జరిగిన ఈ వాదనకు సంబంధించిన వీడియో సోషల్ మీడియాలో వైరల్ అయింది.