Pathaan Movie: షారూఖ్‌ ఖాన్‌కు మరో షాక్.. హిందూ సంస్థ దాడి.. ఏకంగా కింద పడేసి మరీ దారుణంగా!

పఠాన్‌గా మారిపోయిన షారూఖ్

చాలా కాలం పాటు గ్యాప్ తీసుకున్న షారూఖ్ ఖాన్ ఇప్పుడు 'పఠాన్' అనే సినిమాను చేస్తోన్న విషయం తెలిసిందే. సిద్ధార్థ్ ఆనంద్ దర్శకత్వం వహిస్తోన్న ఈ మూవీలో దీపికా పదేకొణె హీరోయిన్‌గా నటిస్తోంది. ఈ చిత్రాన్ని యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మిస్తున్నారు. ఇందులో జాన్ అబ్రహం కీలక పాత్రను చేస్తోన్నాడు. విశాల్ శేఖర్ సంగీతం అందిస్తున్నాడు.

బేషరమ్ పాటతో పెద్ద వివాదం

షారూఖ్ 'పఠాన్' మూవీ నుంచి రిలీజైన బేష‌రమ్ రంగ్ సాంగ్ వివాదానికి కేంద్ర బిందువుగా మారిన సంగతి తెలిసిందే. ఈ పాట‌లో దీపికా ధ‌రించిన కాస్ట్యూమ్స్‌పై అభ్యంత‌రాలు వ్యక్తం అవడంతో పాటు అశ్లీలత మోతాదు మించింద‌న్న విమర్శలు వెల్లువెత్తాయి. దీంతో ప‌ఠాన్ మూవీని బ్యాన్ చేయాల‌నే డిమాండ్‌ చేస్తూ హిందూ సంస్థలు, నెటిజన్లు యమా డిమాండ్ చేశారు.

ప్రముఖుల నుంచి వ్యతిరేకత

షారూఖ్ ఖాన్ నటిస్తోన్న 'పఠాన్' మూవీ వివాదం అంతకంతకూ చెలరేగుతూనే ఉంది. ఈ చిత్రంలోని 'బేషరమ్ రంగ్' సాంగ్ చుట్టూ చాలా రాజకీయాలు జరుగుతోన్నాయి. అలాగే, ఈ మూవీ యూనిట్‌పై పెద్ద పెద్ద సెలెబ్రిటీలు సైతం విమర్శలు చేస్తోన్నారు. ఈ క్రమంలోనే ఈ సినిమాపై నిషేధం విధించాల‌ని ఇటీవలే మ‌ధ్య‌ప్ర‌దేశ్ మంత్రి న‌రోత్తం మిశ్రా కూడా డిమాండ్ చేశారు.

మాల్‌పై బజరాజ్ దళ్ దాడి

క్రేజీ కాంబినేషన్‌లో ఎంతో ప్రతిష్టాత్మకంగా రాబోతున్న 'పఠాన్' మూవీ యూనిట్‌పై ఇప్పటికీ ఆగ్రహ జ్వాలలు కనిపిస్తూనే ఉన్నాయి. తాజాగా హిందూ సంస్థల్లో ఒకటైన బజరాజ్ దళ్ సభ్యులు అహ్మదాబాద్‌లోని ఆల్పావన్‌ మాల్‌లో ఈ సినిమా ప్రమోషన్‌ను అడ్డుకున్నారు. అంతేకాదు, అక్కడ దాడి చేసి చాలా సామాగ్రిని ధ్వంసం చేశారు. దీంతో ఇది దేశ వ్యాప్తంగా హైలైట్ అవుతోంది.

పోస్టర్లు చించేసి కాళ్లతో తొక్కి

అహ్మదాబాద్‌లోని ఆల్పావన్‌ మాల్‌లో ఏర్పాటు చేసిన 'పఠాన్' మూవీ ప్రమోషనల్‌ పోస్టర్లను హిందూ సంస్థ బజరాజ్ దళ్ సభ్యులు తొలగించారు. అంతేకాదు, అక్కడ ఉన్న షారూఖ్ ఖాన్, దీపికా పదుకొణె పోస్టర్లను చించేయడంతో పాటు నేలపై వేసి కాళ్లతో తొక్కేశారు. అలాగే, ఈ మాల్‌లో 'పఠాన్' మూవీకి విడుదల చేయొద్దంటూ యాజమాన్యాన్ని తీవ్ర స్థాయిలో హెచ్చరించారు.

ఆ రోజున వస్తుందా? లేదా?

షారూఖ్ ఖాన్ - దీపికా పదుకొణె జంటగా నటిస్తోన్న 'పఠాన్' మూవీని జనవరి 25వ తేదీన ప్రపంచ వ్యాప్తంగా గ్రాండ్‌గా రిలీజ్ చేస్తోన్న విషయం తెలిసిందే. అయితే, ఇప్పుడు ఈ చిత్రం వివాదంలో చిక్కుకోవడంతో పాటు తీవ్ర స్థాయిలో వ్యతిరేకతను ఎదుర్కొంటోంది. ఇలాంటి పరిస్థితుల్లో అసలు ఈ సినిమా విడుదల అవుతుందా? లేదా? అన్న సందేహాలు వ్యక్తం అవుతున్నాయి.