నయనతార వీడియో చూసి..కరణ్ జోహర్ క్లీన్ బోల్డ్.. టెప్టింగ్ ఉందని!

గన్ ఇన్ కాదల్ ప్రమోషనల్ వీడియో

కొలమావు కోకిలకు సంబంధించిన గన్ ఇన్ కాదల్ అనే వీడియోకు అనిరుధ్ రవిచందర్ సంగీతం అందించగా, దర్శకుడు విగ్నేష్ శివన్ దర్శకత్వం వహించారు. నయనతార గ్యాంగ్‌స్టర్ మాదిరిగా కనిపించే ఆ వీడియోపై ప్రస్తుతం బాలీవుడ్ దర్శక, నిర్మాత కరణ్ జోహర్ మనసు పడటం చర్చనీయాంశమైంది.

చూడాలని ఉంది ట్వీట్

గన్ ఇన్ కాదల్ వీడియోపై కరణ్ జోహర్ ట్విట్టర్‌లో ప్రశంసల వర్షం కురిపించారు. నయనతార నటించిన కొలమారు కోకిల చిత్రం గురించి బ్లాక్‌బస్టర్ టాక్ వినిపిస్తున్నది. ఈ చిత్రానికి సంబంధించిన ప్రమోషనల్ వీడియో ఆకట్టుకొన్నది. అప్పటి నుంచి ఎప్పుడెప్పుడు ఈ సినిమాను చూడాలనే కోరిక వెంటాడుతున్నది అని కరణ్ ట్విట్టర్‌లో పేర్కొన్నారు.

కొలమావు కోకిల కథ ఇదే

కొలమావు కోకిలి విషయానికి వస్తే.. మధ్యతరగతి సాంప్రదాయ కుటుంబానికి చెందిన ఓ యువతి కథే కొలమావు కోకిల. క్యాన్సర్ బారిన పడిన తన తల్లి చిక్సిత కోసం డ్రగ్ డీలర్‌గా నయనతార మారుతుంది. హాస్య నేపథ్యంగా రూపొందిన ఈ చిత్రానికి నూతన దర్శకుడు నెల్సన్ దర్శకత్వం వహించారు.

బాహుబలి లాంటి చిత్రంతో

ఇదిలా ఉండగా ప్రస్తుతం కరణ్ జోహర్ నిర్మాతగానే కాకుండా దర్శకుడిగా, హోస్ట్‌గా బిజీగా ఉన్నారు. కాఫీ విత్ కరణ్ షోలో కంగన రనౌత్‌తో ముచ్చటించారు. అలాగే రణ్‌వీర్ సింగ్, కరీనా కపూర్, అలియా భట్, జాహ్నవి కపూర్, అనిల్ కపూర్, భూమి పడ్నేకర్ తారలతో బాహుబలి లాంటి చిత్రాన్ని రూపొందించానున్నారు. మొగల్ సామ్రాజ్యం నేపథ్యంగా ఈ చిత్రం రూపొందనున్నది.