నార్త్‌లో మీ సినిమాలకు విశేష ఆదరణ.. సౌత్‌లో మా ఫిలింస్‌ను మీరు పట్టించుకోవడం లేదు.. చిరుతో సల్మాన్ కామెంట్స్

గాడ్‌ఫాదర్ సినిమాలో సల్మాన్

లూసిఫర్ సినిమాలో ఒక స్పెషల్ క్యారెక్టర్ ఉంది. ఆ సినిమాలో ఆ పాత్రను దర్శకుడు పృథ్వీరాజ్ సుకుమారన్ చేశాడు. మా దర్శకుడు ఆ పాత్ర సల్మాన్ ఖాన్ చేస్తే బాగుంటుందని అడిగారు. అయితే వెంటనే సల్మాన్ ఖాన్‌కు ఫోన్ చేసి.. మా సినిమాలో స్పెషల్ క్యారెక్టర్ ఉంది. మీరు చేస్తే బాగుంటుందని అడిగాను. కావాలంటే ఆ క్యారెక్టర్ కోసం సినిమా చూడండని చెప్పాను. దాంతో సల్మాన్ ఖాన్.. చిరు గారు మీరు చేయమంటే చేస్తానని చెప్పాడు. ఆయన మాకు చాలా సహకారం అందించాడు చిరంజీవి చెప్పారు.

రెమ్యునరేషన్ లేకుండా నటించిన సల్మాన్

ఇక సల్మాన్ ఖాన్ గొప్పతనం గురించి చిరంజీవి ప్రశంసల్లో ముంచెత్తారు. ఒక రోజు జరిగిన సంఘటనను చెబుతూ.. గాడ్‌ఫాదర్ సినిమాలో నటించినందుకు మా నిర్మాతలు సల్మాన్ ఖాన్‌కు గౌరవంగా కొంత రెమ్యునరేషన్ ఇవ్వాలని చెక్ ఇచ్చారు. అయితే వెంటనే ఆ చెక్‌ను సల్మాన్ ఖాన్ తిరిగి పంపించారు. దాంతో మేనేజర్ మా వద్దకు పరుగెత్తుకొంటూ వచ్చి.. చిరంజీవి, రాంచరణ్‌పై ప్రేమను, అభిమానాన్ని డబ్బుతో కొనాలని చూస్తున్నారా అని సల్మాన్ ఖాన్ అన్నారు సార్ అని చెప్పారు. సల్మాన్ ఖాన్‌కు చాలా గొప్ప హృదయం, ప్రేమ ఉంది. ఆయన ప్రేమకు మేము జీవితాంతం రుణపడి ఉంటాం అని చిరంజీవి అన్నారు.

ఇండియన్ సినిమా మాత్రమే

గతంలో జర్నలిస్టులు హాలీవుడ్, బాలీవుడ్, టాలీవుడ్ అని సినిమాను విభజించారు. ఇప్పుడు మేము భారతీయ సినిమా పరిశ్రమను ఇండియన్ సినిమాగా మారుస్తున్నాం అని సల్మాన్ ఖాన్ అన్నారు. భారతీయులందరిది ఒకే ఎమోషన్, సినిమా అంటే చెప్పలేనంత అభిమానం అని అన్నారు.

రాంచరణ్‌ను అక్కున చేర్చుకొని

అయితే ప్రాంతాలను బట్టి సినిమా పరిశ్రమ కాకుండా ఇండియన్ సినిమాలో నేను భాగమైనందుకు చాలా గర్వంగా ఉంది. నాకు గతంలో హిందీలో చేదు అనుభవాలు ఎదురయ్యాయి. కానీ RRR తో నా కుమారుడు రాంచరణ్‌ను ఉత్తరాది ప్రేక్షకులు అక్కున చేర్చుకొన్నారు. ఇప్పుడు పరిస్థితి మారింది. తెలుగు, హిందీ సినిమాలు రెండు చోట్ల ఆడుతున్నాయి. భాష, ప్రాంతాలను ప్రేక్షకులు పట్టించుకోవడం లేదు అని చిరంజీవి ఆనందం వ్యక్తం చేశారు.

బాలీవుడ్‌ సినిమాలను పట్టించుకోవడం లేదు..

అయితే ఉత్తరాది ప్రజలు తెలుగు, దక్షిణాది సినిమాలను ఆదరిస్తున్నారు. కానీ బాలీవుడ్ సినిమాలను, ఉత్తరాది సినిమాలను తెలుగు, దక్షిణాది ప్రేక్షకులు ఆదరించడం లేదు. ఆ విషయం మాటేమిటి? అని సల్మాన్ ఖాన్ ఫన్నీగా సెటైర్ వేశాడు. అయితే ఉత్తరాది ప్రేక్షకులు చాలా మెచ్యుర్డ్. మీ ఆడియెన్స్ అడ్వాన్స్‌డ్. అందుకే సౌత్‌లో మిమ్మల్ని పరిచయం చేయడానికే గాడ్‌ఫాదర్ సినిమాలో నటించమని అడిగాను. ఈ సినిమా తర్వాత బాలీవుడ్ హీరోలకు మంచి ఆదరణ దక్కుతుంది అని చిరంజీవి అన్నారు.