ఎఫైర్ వార్తలే బాధించాయా? భగ్గుమన్న సంజయ్ దత్, లీగల్ నోటీసులు!

నా అనుమతి లేకుండా బయోగ్రఫీ రాయడమేంటి?

యాస్సేర్ ఉస్మాన్ అనే వ్యక్తికి, దాన్ని ప్రచురించిన పబ్లికేషన్స్‌కు నా బయోగ్రఫీ రాయడానికి ఎలాంటి అనుమతి ఇవ్వ లేదని, అందులో పేర్కొన్న చాలా విషయాల్లో వాస్తవం లేదు అని సంజయ్ దత్ ట్విట్టర్ ద్వారా వెల్లడించారు.

త్వరలో నా నిజమైన బయోగ్రఫీ తెస్తాను

త్వరలో వాస్తవాలతో కూడాని నాయొక్క అసలైన బయోగ్రఫీ విడుదల చేయబోతున్నానని, యాస్సేర్ ఉస్మాన్ పుస్తకంలో తన గురించి రాసిన విషయాల్లో వాస్తవం లేదు అని సంజయ్ దత్ పేర్కొన్నారు.

అదంతా నిజం కాదు

ఈ పుస్తకంలో కొన్ని విషయాలు మాత్రమే నా పాత ఇంటర్వ్యూల నుండి తీసుకున్నారు. చాలా వరకు 90ల్లో గాసిప్ మేగజైన్స్ ప్రచురించిన విషయాలను ప్రస్తావించారు. ఇదంతా నిజం కాదు... అని సంజయ్ దత్ తెలిపారు.

లీగల్ యాక్షన్

తన అనుమతి లేకుండా, అసత్యాలను ప్రచురించిన ఈ పుస్తకం విషయంలో లీగల్ యాక్షన్ తీసుకోబోతున్నట్లు సంజయ్ దత్ వెల్లడించారు.

నన్ను, నా ఫ్యామిలీని బాధించాయి

ఈ పుస్తకంలో పేర్కొన్న కొన్ని విషయాలు నన్ను, నా ఫ్యామిలీ బాధించాయని, ఈ విషయాన్ని తాను ఊరికే వదలిపెట్టబోను అని సంజయ్ దత్ తెలిపారు.

సారీ చెప్పిన పబ్లికేషన్స్

అయితే తాము పబ్లిష్ చేసిన ఈ పుస్తకం కారణంగా సంజయ్ దత్ అప్‌సెట్ కావడంపై విచారం వ్యక్తం చేస్తూ..... జగ్గర్నౌట్ పబ్లికేషన్స్ సోషల్ మీడియాలో ప్రకటన చేసింది. ఈ సందర్భంగా దత్‌కు క్షమాపణలు తెలిసింది. యాస్సేర్ ఉస్మాన్ ఈ పుస్తకంలో రాసిన విషయాలకు పలు ఆధారాలు చూపడం వల్లనే తాము ప్రచురించామని తెలిపింది.