అమితాబ్- అమీర్ ఖాన్ ‘థగ్స్ ఆఫ్ హిందూస్థాన్’ కోసం 2 లక్షల కిలోల...

యూరఫ్ తీరంలో సెట్స్

సినిమా కథకు ఈ రెండు సెట్లు ఎంతో కీలకం కావడం వల్లనే భారీగా ఖర్చు పెట్టి మరీ ఇదంతా చేస్తున్నారట. ఈ సెట్స్ నిర్మాణంలో ఇంటర్నేషనల్ డిజైనర్స్, షిప్ మేకర్స్ తో సహా 1000 మంది సంవత్సరం పాటు కష్టపడ్డారట. యూరఫ్‌లోని మెల్టా అనే తీర ప్రాంతంలో ఈ సెట్స్ వేశారు.

యశ్ రాజ్ ఫిలింస్

ఈ మూవీలో ఆమీర్‌ ఖాన్‌, అమితాబ్‌ బచ్చన్‌ తో పాటు కత్రినా కైఫ్‌, ఫాతిమా సనా షేక్‌ తదిరులు నటిస్తున్నారు. ఈ యాక్షన్‌ అడ్వెంచరస్‌ చిత్రానికి ‘ధూమ్‌ 3' ఫేం విజయ్‌కృష్ణ ఆచార్య దర్శకుడు. ఇండియాలో టాప్ ఫిల్మ్ మేకింగ్ సంస్థ యష్‌రాజ్‌ ఫిలింస్‌ బేనర్లో ఈ చిత్రం రూపొందుతోంది.

స్టోరీ ఏమిటంటే..

19వ శతాబ్దం తొలినాళ్లలో భారతదేశంలో దోపిడీ కార్యకలాపాలతో అప్పటి బ్రిటిష్‌ ప్రభుత్వానికి ముచ్చెమటలు పట్టించిన థగ్గుల కథతో ఈ చిత్రం తెరకెక్కుతోంది. 1839లో వచ్చిన ‘కన్ఫెషన్స్‌ ఆఫ్‌ ఎ థగ్‌' అనే నవల ఈ సినిమా కథకు మూలాధారం.

సరికొత్త అనుభూతి

ఈ సినిమా హాలీవుడ్ సినిమాల స్థాయిలో అద్భుతమైన విజువల్స్ ఎఫెక్ట్స్ ప్రేక్షకులకు కనువిందు చేస్తాయని తెలుస్తోంది. ఇండియన్ సినిమా చరిత్రలో ఇదో గొప్ప, భారీ సినిమా కాబోతోందని తెలుస్తోంది. ముఖ్యంగా షిప్స్‌పై చిత్రీకరించే యాక్షన్ సన్నివేశాలు ప్రేక్షకులు ఆశ్చర్యపోవడం ఖాయం అంటున్నారు. ఈ ఏడాది నవంబర్లో ఈ చిత్రం ప్రేక్షకుల ముందుకు రాబోతోంది.