యూఎస్ఏ రిపోర్ట్: బాహుబలి 2ను అధిగమించడంలో 2.0 ఫెయిల్

బాహుబలి 2ను బద్దలు కొడుతుందనుకున్నారు

బాహుబలి 2 సినిమా విడుదల ముందే ప్రీ టికెట్ సేల్స్ $3 మిలియన్ల మేర జరిగింది. యూఎస్ఏ ప్రీమియర్స్ ద్వారా $3.5 మిలియన్ డాలర్లు వసూలు చేసింది. దీన్ని 2.0 చిత్రం అధిగమిస్తుందని అంతా భావించారు.

పూర్‌గా మొదలైన ప్రీమియర్ షోలు

అయితే బుధవారం యూఎస్ఏ వ్యాప్తంగా వేసిన ప్రీమియర్ షోలకు ఆశించిన మేర ఆదరణ లభించలేదట. అందుకే యూఎస్ఏ డిస్ట్రిబ్యూటర్ కూడా కలెక్షన్ల వివరాలు బయటకు వెల్లడించలేదనే టాక్ వినిపిస్తోంది.

అందరూ మౌనంగా...

పెద్ద సినిమాలు విడుదలైన సమయంలో పలువురు ట్రేడ్ విశ్లేషకులు రెన్ట్రాక్ నుంచి కలెక్షన్ల వివరాలు సేకరించి సోషల్ మీడియాలో షేర్ చేస్తుంటారు. ఇప్పటికే ఆ వివరాలు బయటకు రావాల్సి ఉండగా... ఎవరూ వివరాలు బయట పెట్టకుండా మౌనం వహించడం గమనార్హం.

అధిక ధరలే కారణమా?

యూఎస్ఏ ఆడియన్స్ 3డి సినిమాలు నార్మల్ రేటుకే చూస్తుంటారు. అయితే రజనీకాంత్ 2.0 మూవీకి మాత్రం వారు 30 డాలర్లు వెచ్చించాల్సి వస్తోందట. అందుకే ప్రీమియర షోలకు ఆదరణ తగ్గిందని, ప్రీ టికెట్ సేల్స్ అక్కడ తక్కువగా జరుగడానికి కారణం కూడా అదే అని అంటున్నారు.

డిస్ట్రిబ్యూషన్ సంస్థ ఏమంటోంది?

అయితే యూఎస్ఏ డిస్ట్రిబ్యూషన్ సంస్థ ప్రైమీడియా వాదన మరోలా ఉంది. ప్రీమియర్ షోలకు ఏర్పాట్లు సరిగా జరుగలేని, ఫస్ట్ డే నుంచి అంతా సక్రమంగా ఉంటుందని ట్వీట్ చేయడం గమనార్హం.

ఇండియాలో టికెట్ సేల్స్ అదుర్స్

మరో వైపు ఇండియాలో 2.0 టికెట్ సేల్స్ అదిరిపోతున్నాయి. బుక్ మైషో ద్వారా 1 మిలియన్, పేటీఎం ద్వారా 1.25 మిలియన్ టికెట్స్ అమ్ముడయ్యాయి. ఈ నెంబర్స్ బట్టి 2.0 సినిమాపై భారతీయ ప్రేక్షకుల్లో ఎంత క్రేజ్ ఉందో అర్థం చేసుకోవచ్చు.