బాహుబలి 2 కంటే నా సినిమాకే ఎక్కువ కలెక్షన్స్.. నాటి క్లాసిక్‌పై అమితాబ్ ట్వీట్

రికార్డులు క్రియేట్ చేసిన చిత్రం..

1977 మే 27న విడులైన అమర్ అక్బర్ ఆంటోని చిత్రం అప్పటి వరకు ఉన్న రికార్డులన్నీ చెరిపేసింది. నిర్విరామంగా 25 వారాల పాటు ముంబైలోని 25 థియేటర్స్‌లో హౌస్‌ఫుల్ కలెక్షన్లతో నడిచింది. అన్నదమ్ములైన ముగ్గురు (వినోద్ ఖన్నా, రిషీ కపూర్, అమితాబ్ బచ్చన్) కొన్ని కారణాల వల్ల చిన్నతనంలోనే విడిపోవడం.. మళ్లీ కలుసుని శత్రువుపై ఏ విధంగా పగ తీర్చుకున్నారన్నదే కథ. జాగ్రత్తగా పరిశీలిస్తే ముగ్గురు మొనగాళ్లు చిత్రానికి ఇక్కడే నాంది పడ్డట్టు కనిపిస్తుంది.

నాటి జ్ఞాపకాల్లో అమితాబ్

అమర్ అక్బర్ ఆంటోని సమయానికి అమితాబ్‌కు శ్వేత, అభిషేక్ బచ్చన్‌లు జన్మించారు. ఈ మూవీ షూటింగ్ సెట్‌లో వారిద్దరితో దిగిన ఫోటోను షేర్ చేస్తూ అమితాబ్ ఆసక్తికరమైన కామెంట్స్ చేశాడు. ‘శ్వేత, అభిషేక్ అమర్ అక్బర్ ఆంటోని సెట్‌కు వచ్చారు. ఆ సమయంలో మై నేమ్ ఈజ్ ఆంటోని అనే పాట చిత్రీకరణ జరుగుతోంది. ఈ ఫోటో బీచ్‌ ముందు దిగాము.

అలా మొదలైంది..

అమర్ అక్బర్ ఆంటోని విడుదలై 43 ఏళ్లు అవుతోంది. డైరెక్టర్ మన్‌మోహన్ గారు వచ్చి ఈ కథ, టైటిల్ చెప్పినప్పుడు.. ఈ సినిమా పోతుందని అనుకున్నాను. ఎందుకంటే ఆ సమయంలో అక్క వదిన కూతురు అంటూ ఇలాంటి టైటిల్స్‌తోనే సినిమాలు వచ్చేవి. కానీ ఈ సినిమా వాటన్నంటికీ భిన్నంగా వచ్చింది.

ఆ రోజులెప్పుడో పోయాయ్..

ఆ సమయంలోనే ఇది దాదాపు 7.25 కోట్లు బిజినెస్ చేసినట్టు సమాచారం. అది ఇప్పటి ఇప్పటి విలువతో చూస్తే బాహుబలి 2 కలెక్షన్ల కంటే ఎక్కువేనని ట్రేడ్ విశ్లేషకులు అంటారు. అసలు నిజం ఏంటంటే.. 25 వారాలు ముంబైలోని 25 థియేటర్లలో ఏ ఒక్క సినిమా అయినా ఆడగలదా? అందుకే వారు అలా చెబుతుంటారు. ఆ రోజులు ఎప్పుడో పోయాయని.. ఇలాంటివి ఇప్పట్లో జరగవ'ని చెప్పుకొచ్చాడు.