Don't Miss!
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
‘భరత్ అనే నేను’... ఇంకా ఎంత వసూలు చేస్తే బయ్యర్లు సేఫ్?
తెలుగు సినిమా పరిశ్రమలో వెంట వెంటనే భారీ బ్లాక్ బస్టర్ చిత్రాలు నమోదవుతున్నాయి. మార్చి 30న విడుదలైన రామ్ చరణ్ 'రంగస్థలం' మూవీ రూ. 200 కోట్లు వసూలు చేసి చరిత్ర సృష్టించగా, ఈ సినిమాకు 20 రోజుల గ్యాపుతో విడుదలైన మహేష్ బాబు పొలిటికల్ ఎంటర్టెనర్ 'భరత్ అనే నేను' కలెక్షన్ల పరంగా చరిత్ర సృష్టిస్తోంది. ఇప్పటి వరకు 190 కోట్లకుపైగా గ్రాస్ వచ్చిందని, ఫుల్ రన్లో రూ. 200 కోట్లు వసూలు చేసే అవకాశం ఉందని ట్రేడ్ వర్గాల్లో చర్చసాగుతోంది. ఈ సంగతి ఇలా ఉంటే కొన్ని ఏరియాల్లో బయ్యర్లు లాభాలు చూడలేదని టాక్.
Recommended Video
ఇప్పటి వరకు ఎంత గ్రాస్ వసూలైంది?
‘భరత్ అనే నేను' చిత్రం ఇప్పటి వరుకు ప్రపంచ వ్యాప్తంగా దాదాపు రూ. 192 కోట్ల గ్రాస్ వసూలు చేసినట్లు తెలుస్తోంది. త్వరలోనే ఈ మూవీ రూ. 200 కోట్ల గ్రాస్ మార్కును అందుకుంటుందన ట్రేడ్ విశ్లేషకులు అంచనా వేస్తున్నారు.
ఇప్పటి వరకు వచ్చిన షేర్ ఎంత?
ట్రేడ్ వర్గాల నుండి అందుతున్న సమాచారం ప్రకారం ‘భరత్ అనే నేను' మూవీ ఇప్పటి వరకు దాదాపు రూ. 100 కోట్ల షేర్ వసూలు చేసినట్లు తెలుస్తోంది. అయితే చాలా ఏరియాల్లో ఇంకా బయ్యర్లు లాభాల బాటలోకి రాలేదని టాక్.
నైజాంలో ఇంకా ఎంత రావాలి?
నైజాం డిస్ట్రిబ్యూటర్ ‘భరత్ అనే నేను' చిత్రాన్ని రూ. 22 కోట్లకు కొన్నాడని, 13 రోజుల్లో రూ. 17.3 కోట్ల వసూలైందని టాక్. లాభాలు రావాలంటే ఇంకా దాదాపు 5 కోట్ల వరకు షేర్ రావాల్సి ఉంది.
సీడెడ్ ఏరియాలో...
సీడెడ్ ఏరియాలో రూ. 12 కోట్లకు రైట్స్ అమ్మారు. ఇక్కడ పదమూడు రోజుల్లో రూ. 9.2 కోట్లు రాబట్టింది. లాభాలు రావాలంటే ఇంకా మూడు కోట్ల రాబట్టాలి.
నెల్లూరు ఏరియాలో...
నెల్లూరు ఏరియాలో భరత్ రైట్స్ రూ. 3 కోట్లకు అమ్మారు. పదమూడు రోజుల్లో రూ. 2.4 కోట్ల వసూలైనట్లు తెలుస్తోంది.
వైజాగ్ ఏరియాలో..
వైజాగ్ ఏరియాలో ఈ చిత్రం దాదాపు లాభాల్లోకి వచ్చింది. ఈ చిత్రం రైట్స్ రూ. 8.2 కోట్లకు అమ్ముడవ్వగా ఇప్పటికే రూ. 8 కోట్ల షేర్ వసూలు చేసిందట.
ఈస్ట్ గోదావరిలో...
ఈస్ట్ గోదావరి ఏరియాలో ఈ చిత్రం రైట్స్ రూ. 6.7 కోట్లకు అమ్మారు. పదమూడు రోజుల్లో రూ. 6.35 కోట్లు రాబట్టింది. ఇక్కడ లాభాలు అనేవి దాదాపు ఖాయం అయిపోయాయి.
వెస్ట్ గోదావరిలో...
వెస్ట్ గోదావరి ఏరియాలో ఈ చిత్రాన్ని రూ. 3.9 కోట్లకు అమ్మగా.... పదమూడు రోజుల్లో కేవలం 2 కోట్ల షేర్ మాత్రమే వసూలైనట్లు తెలుస్తోంది.
లాభాల్లో కృష్ణ, గుంటూరు, తమిళనాడు, కర్నాటక
భరత్ అనే నేను చిత్రం కృష్ణ, గుంటూరు, తమిళనాడు, కర్నాటక ఏరియాల్లో మంచి లాభాలు రాబట్టినట్లు ట్రేడ్ వర్గాలు పేర్కొంటున్నాయి.