మొదలైన రజినీ మ్యానియా.. మొదటి రోజు ఎంత కొల్లగొడతాడంటే..?

రజినీ-మురుగుదాస్ కాంబోపై అంచనాలు..

కమర్షియల్ అంశాలతో పాటు, సామాజిక దృక్పథమున్న చిత్రాలను తెరకెక్కిస్తాడనే జాతీయ స్థాయిలో మంచి పేరున్న దర్శకుడు ఏ ఆర్ మురుగదాస్ రజనీ కాంత్‌తో సినిమా ప్రకటించగానే అందరిలోనూ అంచనాలు పెరిగాయి. దీనికి తగ్గట్టే పోస్టర్లు, సాంగ్స్, టీజర్, ట్రైలర్స్ ‌ఇలా అన్నీ సినిమాపై భారీ హైప్‌ను క్రియేట్ చేశాయి.

తెలుగులోనూ భారీ స్క్రీన్స్..

సంక్రాంతి సీజన్ కావడంతో డబ్బింగ్ సినిమాకు సాధారణంగా థియేటర్ల సమస్య ఏర్పడుతుంది. అయితే దర్బార్ తెలుగు చిత్రాలతో పోటీకి దూరంగా ఉండటం, మధ్యలో రెండు రోజులు గ్యాప్ రావడంతో దర్బార్‌కు భారీ మొత్తంలో థియేటర్లను కేటాయించినట్టు తెలుస్తోంది. ఈ నేపథ్యంలో ఈ రెండు రోజులు దర్భార్ హవా కొనసాగేట్టు కనిపిస్తోంది.

దాదాపు 700 తెరలపై..

రెండు తెలుగు రాష్ట్రాల్లో దాదాపు 700 తెరలపై దర్బార్ రన్ అవుతున్నట్టు సమాచారం. నైజాంలో 250, సీడెడ్‌లో 140, ఏపీ 350 ఇలా మొత్తంగా దర్భార్ హవా కొనసాగుతోంది. ఈ రెండు రోజులు కలెక్షన్లలో కూడా కొత్త రికార్డులను క్రియేట్ చేసే అవకాశం ఉంది.

బుకింగ్స్‌లో జోరు..

రజినీ సినిమా అంటే తెలుగులోనూ క్రేజ్ ఉంటుందన్న సంగతి తెలిసిందే. దానికి తోడు ఏ ఆర్ మురుగదాస్ దర్శకుడు కావడంతో అందరికీ ఆసక్తి ఏర్పడింది. ఈ క్రమంలో బుకింగ్స్ ట్రెండ్స్ చూస్తుంటే.. దాదాపు యాభై శాతం బుకింగ్స్ క్లోజ్ అయినట్టు తెలుస్తోంది.

దాదాపు రెండు కోట్లు..

ఈ లెక్కన చూసుకుంటే దర్బార్‌కు బాగానే కలిసే వచ్చే అవకాశముంది. దాదాపు 700 తెరల్లో విడుదల కావడం, పోటీకీ మరే చిత్రం లేకపోవడం లాంటి అంశాలు ప్లస్ అయ్యాయి. ఈ క్రమంలో అందరి ద‌ృష్టి ఫస్ట్ డే కలెక్షన్లపై పడింది. ఈ చిత్రం మొదటి రోజు దాదాపు రెండు కోట్లను రాబట్టే అవకాశముందని ట్రేడ్ పండితులు విశ్లేషిస్తున్నారు. ఈ లెక్కలపై ఓ క్లారిటీ రావాలంటే రేపటి వరకు ఆగాల్సిందే.