Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టాక్ చెత్తగా ఉన్నా... రెండ్రోజుల్లో రూ. 31 కోట్లు!
హైదరాబాద్: బాలీవుడ్లో అక్షయ్ కుమార్ ప్రధానపాత్రలో గతంలో వచ్చిన 'హౌస్ ఫుల్', 'హౌస్ ఫుల్-2' సినిమాలు భారీ విజయం సాధించాయి. తాజాగా 'హౌస్ ఫుల్-3' కూడా రిలీజైంది. ఈ చిత్రానికి సాజిద్-పర్హాద్ దర్శకత్వం వహించగా, సాజిద్ నడియావాలా 'నడియావాలా గ్రాండ్ సన్ ఎంటర్టెన్మెంట్' బేనర్లో ఈ చిత్రాన్ని తెరకెక్కించారు.
జూన్ 3న గ్రాండ్ గా విడుదలైన ఈ సినిమాకు ఓపెనింగ్స్ బాగా వచ్చాయి. అక్షయ్ కుమార్ హీరో కావడం, గత రెండు సీరిస్ చిత్రాలు మంచి విజయం సాధించడంతో ఈ సినిమాపై ముందు నుండి మంచి అంచనాలున్నాయి. అందుకే తొలి రెండు రోజుల్లోనే ఈ చిత్రం రూ. 31.51 కోట్లు వసూలు చేసింది. వరల్డ్ వైడ్ 3600 స్క్రీన్లలో ఈ సినిమాను రిలీజ్ చేసారు.
తొలి రోజు రూ. 15.21 కోట్లు వసూలు కాగా, రెండో రోజు రూ. 16.30 కోట్లు వసూలు చేసింది. అయితే సినిమా విడుదలైన రోజు నుండే టాక్ నెగెటివ్ గా ఉంది. ఈ నేపథ్యంలో ఈ సినిమాకు వసూళ్లు ఇలానే కొనసాగుతాయా? లేక డ్రాపవుతాయా? అనేది చర్చనీయాంశం అయింది.
రొమాంటిక్ కామెడీ నేపథ్యంలో తెరకెక్కిన ఈ సినిమా ముగ్గురు వ్యక్తుల చుట్టూ తిరుగుతుంది. వారే సాండీ (అక్షయ్ కుమార్), బంటీ (అభిషేక్ బచ్చన్), టెడ్డీ (రితేష్ దేశ్ ముఖ్). ఈ ముగ్గురు బటుక్ పటేల్ కూతుర్లతో ప్రేమలో పడతారు. వారే సారా పటేల్(నర్గీస్ ఫక్రి), జెన్నీ పటేల్ (లీసా హెడెన్), గ్రేసీ పటేల్ (జాక్వెలిన్ పెర్నాండెజ్). తండ్రి దృష్టిలో ఈ ముగ్గురు చాలా సంస్కారమైన అమ్మాయిలు. కానీ రియల్ లైఫ్ లో మాత్రం అందుకు పూర్తి వ్యతిరేకం.
బటుక్ పటేల్ తన కూతుర్లకు అసలు పెళ్లి అవసరం లేదనే ఆలోచనలో ఉంటాడు. ప్రపంచంలో ఇలాంటి ఆలోచన ఉన్న ఏకైక తండ్రి ఇతడే. ఒకరి తర్వాత ఒకరు సాండీ, బంటీ, టెడ్డీ బటుక్ పటేల్ కూతుర్ల బాయ్ ఫ్రెండ్స్ గా అతని ఇంట్లోకి ఎంటరవుతారు. అక్కడి నుండి ఫన్ డ్రామా మొదలవుతుంది. ఈ క్రమంలో వచ్చే సన్నివేశాలు ప్రేక్షకులను బాగా నవ్విస్తాయి. ఈ ముగ్గురు బటుక్ పటేల్ కూతుర్లకు సరైన జోడీ అని ఎలా నిరూపించుకుంటారు? అనేది మిగతా స్టోరీ.