పూరీ ‘హార్ట్ ఎటాక్’ జనవరిలోనే..

By Srikanya

Published: Friday, December 27, 2013, 16:27 [IST]

హైదరాబాద్: నితిన్ హీరోగా లావణ్య సమర్పణలో పూరి జగన్నాథ్ టూరింగ్ టాకీస్ పతాకంపై పూరి జగన్నాథ్ స్వీయ దర్శకత్వంలో నిర్మిస్తున్న చిత్రం 'హార్ట్ ఎటాక్'. ప్రస్తుతం ఈ చిత్రానికి సంబంధించి షూటింగ్ మొత్తం పూర్తయింది. ఈ చిత్రం జనవరి 30 న కానీ 31 గానీ విడుదల చేసే అవకాసం ఉందని తెలుస్తోంది. ఈ మేరకు దర్శక,నిర్మాతలు ప్రయత్నాలు చేస్తున్నట్లు చెప్పుకున్నారు. మొదట ఈ చిత్రాన్ని సంక్రాంతికి అనుకున్నారు కానీ ..ఇప్పుడు లేటు గా విడుదల అవుతోంది.

ఈ సందర్భంగా పూరి జగన్నాథ్ మాట్లాడుతూ- ''గోవా లో జరిగిన షెడ్యూల్‌తో షూటింగ్ పూర్తయింది. అతి త్వరలో ఆడియోను విడుదల చేసి త్వరలోనే చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తు న్నాం'' అన్నారు. అలాగే ఈ చిత్రంలో నితిన్ పికలతో కనిపించనున్నారని తెలుస్తోంది. సాధారణంగా పూరి సినిమాలోని హీరోలకు అమ్మాయిలను ఆటపట్టించే బిహేవియర్ ఉంటుంది. రోమియోలుగా, జులాయిగా కనిస్తారు. ఈ చిత్రంలో నితిన్ లుక్ చూస్తుంటే కూడా అలానే అనిపిస్తోంది. పూరి దర్శకత్వం కావడంతో నితిన్‌ను మరో మెట్టు పైకి తీసుకెళ్లే విధంగా సినిమా ఉండనుందని స్పష్టం అవుతోంది.

విక్రమ్ భట్ దర్శకత్వం వహించిన హారర్ సినిమా '1920' ద్వారా బాలీవుడ్ ప్రేక్షకులను భయపెట్టిన ఆదాశర్మ ఈ సినిమా ద్వారా తెలుగులోకి ఎంట్రీ ఇస్తోంది. ఈ చిత్రానికి అమోల్ రాథోడ్ ఫోటోగ్రఫీని అందిస్తుండగా, అనూప్ రూబెన్స్ సంగీతం అందిస్తున్నాడు. పాటలు: భాస్కరభట్ల, కెమెరా: ఆమోల్ రాథోడ్, ఎడిటింగ్: ఎస్.ఆర్. శేఖర్, ఆర్ట్: బ్రహ్మ కడలి, ఫైట్స్: రామ్-లక్ష్మణ్, కథ, స్క్రీన్‌ప్లే, దర్శకత్వం: పూరి జగన్నాథ్.

More from Filmibeat