The WARRIORR 10 Days Collections: శనివారం కూడా వారియర్‌కు షాకే.. ఇంకెన్ని కోట్లు రావాలో తెలిస్తే!

ది వారియర్‌గా రామ్ అరాచకం

ఉస్తాద్ రామ్ పోతినేని హీరోగా కోలీవుడ్ మాస్ డైరెక్టర్ లింగుసామీ తెరకెక్కించిన సినిమానే 'ది వారియర్'. కృతి శెట్టి హీరోయిన్‌గా నటించిన ఈ సినిమాను శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి భారీ బడ్జెట్‌తో నిర్మించారు. ఆది పినిశెట్టి విలన్‌గా నటించాడు. దీనికి దేవీ శ్రీ ప్రసాద్ సంగీతం అందించాడు. ఈ చిత్రం తెలుగుతో పాటు తమిళంలోనూ రిలీజ్ అయింది.

తల్లైన తర్వాత మరో యాక్టర్‌తో హీరోయిన్ ఎఫైర్: బెడ్‌పై రొమాన్స్ చేసే పిక్ వైరల్

ది వారియర్ బిజినెస్ వివరాలివే

ఎంతో ప్రతిష్టాత్మకంగా రూపొందిన 'ది వారియర్' మూవీపై మొదటి నుంచే భారీ అంచనాలు ఏర్పడ్డాయి. దీంతో ఈ సినిమా నైజాంలో రూ. 10 కోట్లు, సీడెడ్‌లో రూ. 5 కోట్లు, మిగిలిన ఆంధ్రా ఏరియాలో రూ. 15 కోట్లు, కర్నాటక ప్లస్ రెస్టాఫ్ ఇండియాలో రూ. 2 కోట్లు, ఓవర్సీస్‌లో రూ. 2.10 కోట్లు, తమిళ వెర్షన్‌కు రూ. 4 కోట్లతో.. ప్రపంచ వ్యాప్తంగా రూ. 38.10 కోట్లు బిజినెస్‌ జరుపుకుంది.

10వ రోజు ఎక్కడ ఎంత రాబట్టింది?

10వ రోజు 'ది వారియర్'కు ఆంధ్రప్రదేశ్, తెలంగాణలో కలెక్షన్లు కాస్త పెరిగాయి. దీంతో ఈ మూవీకి నైజాంలో రూ. 10 లక్షలు, సీడెడ్‌లో రూ. 7 లక్షలు, ఉత్తరాంధ్రలో రూ. 5 లక్షలు, ఈస్ట్‌లో రూ. 3 లక్షలు, వెస్ట్‌లో రూ. 2 లక్షలు, గుంటూరులో రూ. 3 లక్షలు, కృష్ణాలో రూ. 2 లక్షలు, నెల్లూరులో రూ. 1 లక్షలతో కలిపి రూ. 33 లక్షలు షేర్, రూ. 55 లక్షలు గ్రాస్ మాత్రమే వసూలు అయింది.

పొట్టి డ్రెస్‌తో షాకిచ్చిన భూమిక: వామ్మో అలా పడుకుని అందాల విందు

10 రోజులకు కలిసి ఎంత వచ్చింది?

'ది వారియర్' ఏపీ, తెలంగాణలో 10 రోజుల్లో పెద్దగా రాణించలేదు. దీంతో ఈ సినిమా నైజాంలో రూ. 5.72 కోట్లు, సీడెడ్‌లో రూ. 3.07 కోట్లు, ఉత్తరాంధ్రలో రూ. 2.39 కోట్లు, ఈస్ట్‌లో రూ. 1.33 కోట్లు, వెస్ట్‌లో రూ. 1.16 కోట్లు, గుంటూరులో రూ. 1.94 కోట్లు, కృష్ణాలో రూ. 94 లక్షలు, నెల్లూరులో రూ. 64 లక్షలతో కలిపి రూ. 17.19 కోట్లు షేర్, రూ. 26.65 కోట్లు గ్రాస్‌ వసూలైంది.

ప్రపంచ వ్యాప్తంగా వచ్చింది ఎంత?

10 రోజుల్లో తెలుగు రాష్ట్రాల్లో రూ. 17.19 కోట్లు వసూలు చేసిన 'ది వారియర్' మూవీ.. మిగిలిన ప్రాంతాల్లోనూ నిరాశనే ఎదుర్కొంది. ఫలితంగా కర్నాటక ప్లస్ రెస్టాఫ్ ఇండియాలో రూ. 1.05 కోట్లు, ఓవర్సీస్‌లో రూ. 67 లక్షలు, తమిళంలో రూ. 1.25 కోట్లు కలెక్ట్ చేసింది. దీంతో 10 రోజుల్లోనే ఈ సినిమాకు ప్రపంచ వ్యాప్తంగా రూ. 20.16 కోట్లు షేర్‌, రూ. 34.40 కోట్ల గ్రాస్ వచ్చింది.

స్విమ్మింగ్ పూల్‌లో రెచ్చిపోయిన ప్రియాంక: అబ్బో తడిచిన అందాలను చూపిస్తూ!

బ్రేక్ ఈవెన్ టార్గెట్.. ఎంత రావాలి?

రామ్ - కృతి శెట్టి జంటగా నటించిన 'ది వారియర్'కు అంచనాలకు అనుగుణంగానే ప్రపంచ వ్యాప్తంగా రూ. 38.10 కోట్లు బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 39 కోట్లుగా నమోదైంది. ఇక, ఈ సినిమా 10 రోజుల్లో రూ. 20.16 కోట్లు వసూలు చేసింది. అంటే మరో రూ. 18.84 కోట్లు వసూలు చేస్తేనే ఇది హిట్ స్టేటస్‌‌ను అందుకుంటుంది.