ఇక అన్నీ లాభాలే: రంగస్థలం ఫస్ట్ వీక్ కలెక్షన్ రిపోర్ట్

ఆశ్చర్యపరిచే కలెక్షన్లు

సినిమా విడుదల ముందు నుండే భారీ హైప్ క్రియేట్ కావడం, విడుదల తర్వాత సూపర్ అంటూ స్ట్రాంగ్ మౌత్ టాక్ స్ప్రెడ్ అవ్వడంతో తొలి 4 రోజుల్లోనే ఈ చిత్రం రూ. 100 కోట్ల గ్రాస్ వసూలు చేసి అందరినీ ఆశ్చర్య పరిచింది.

తొలివారం

ఫస్ట్ వీకెండ్ తర్వాత వీక్ డేస్‌లో కలెక్షన్ల జోరు తగ్గుతుందని అనుకున్నప్పటికీ అలా జరుగకుండా మంచి వసూళ్లతో సినిమా తీసుకెళుతోంది. తొలి వారం(7డేస్) పూర్తయ్యే నాటికి ఈ చిత్రం రూ. 130 కోట్ల గ్రాస్ నమోదు చేసింది. దీంతో ప్రపంచ వ్యాప్తంగా రూ. 81 కోట్ల డిస్ట్రిబ్రూటర్ షేర్ వచ్చినట్లు తెలుస్తోంది.

లాభాల బాటలోకి

ఈ చిత్రం థియేట్రికల్ రైట్స్ వరల్డ్ వైడ్ రూ. 80 కోట్లకు అమ్మారు. ఆల్రెడీ రూ. 81 కోట్ల షేర్ రావడంతో ఈ చిత్రం బ్రేక్ ఈవెన్ పాయింటును దాటి లాభాల బాటలోకి వచ్చింది. ఇకపై ఈ చిత్రానికి వచ్చే వసూళ్లన్నీ లాభాలే.

ఎదురులేని రంగస్థలం

ప్రస్తుతం బాక్సాఫీసు వద్ద నితిన్ ‘ఛల్ మోహన్ రంగ'తో పాటు మరికొన్ని చిన్న సినిమాలు విడుదలయ్యాయి. అయితే ఇవేవీ ‘రంగస్థలం' చిత్రానికి పోటీ ఇచ్చే పరిస్థితిలో లేవు. దీంతో సెకండ్ వీక్ ‘రంగస్థలం' డిస్ట్రిబ్యూటర్లు భారీ లాభాలు జేబులో వేసుకోవడం ఖాయంగా కనిపిస్తోంది.

పైపైకి ఎగబాకుతూ టాప్‌లోకి

మరో వైపు టాలీవుడ్ ఆల్ టైమ్ టాప్ గ్రాస్ కలెక్షన్ల లిస్టులో ఒక్కో సినిమాను వెనక్కి నెట్టుతూ రంగస్థలం పైపైకి ఎగబాకుతోంది. ఇప్పటికే డిజే, సరైనోడు గ్రాస్ రికార్డులను ‘రంగస్థలం' అధిగమించింది. సెకండ్ వీక్ పూర్తయ్యే నాటికి శ్రీమంతుడు, జనతా గ్యారేజ్, అత్తారింటికి దారేది, జై లవ కుశ చిత్రాలను అధిగమించడం ఖాయంగా కనిపిస్తోంది.