Click it and Unblock the Notifications
Don't Miss!
-
IPL 2024: హార్దిక్.. ఈ ఎక్స్ట్రాలే తగ్గించుకోమనేది!వీడియో -
YS Jagan పై వైఎస్ షర్మిల తీవ్ర వ్యాఖ్యలు -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
అరెంజ్ మ్యారెజ్ చేసుకోవాలనుకుంటున్నారా ? అయితే ఈ ముఖ్యమైన విషయాలను తెలుసుకోవాల్సిందే.. -
Samsung నుంచి కొత్త 8K మరియు 4K AI టీవీ లు లాంచ్ అయ్యాయి! ధర, ఫీచర్లు, ఆఫర్లు -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
RRR 45 Days Collections: మూవీకి కలిసొచ్చిన సండే.. ఒక్కరోజే అన్ని లక్షలు.. ఓవరాల్ కలెక్షన్లు చూస్తే!
తెలుగు సినీ ఇండస్ట్రీలో సుదీర్ఘ కాలంగా స్టార్ డైరెక్టర్‌గా వెలుగొందుతూ.. 'బాహుబలి' పాన్ ఇండియా రేంజ్‌లో పేరు సంపాదించుకున్నాడు దర్శకధీరుడు రాజమౌళి. ఈ చిత్రం తెలుగు సినిమా స్థాయిని కూడా అమాంతం పెంచేసిన ఆయన.. ఈ ఉత్సాహంతోనే ఇటీవలే RRR (రౌద్రం రణం రుధిరం) అనే సినిమాతో ప్రేక్షకుల ముందుకు వచ్చాడు. ఎన్నో అంచనాలతో విడుదలైన ఈ సినిమాకు అనుకున్న రీతిలోనే స్పందన దక్కింది. దీంతో కలెక్షన్లు పోటెత్తాయి. ఫలితంగా ఈ మూవీ బ్లాక్ బస్టర్ హిట్‌ అయింది. అంతేకాదు, ఏకంగా ఆరు వారాల పాటు మంచి కలెక్షన్లను కూడా రాబట్టింది. ఈ నేపథ్యంలో RRR మూవీకి 45 రోజుల్లో ఎంత వసూళ్లు వచ్చాయి అనే దానిపై ఓ లుక్కేద్దాం పదండి!
భారీ మల్టీస్టారర్‌గా వచ్చేసిన RRR
టాలీవుడ్ స్టార్ హీరోలు ఎన్టీఆర్, రామ్ చరణ్ కాంబినేషన్‌లో రాజమౌళి రూపొందించిన చిత్రమే RRR (రౌద్రం రణం రుధిరం). దీన్ని డీవీవీ దానయ్య భారీ బడ్జెట్‌తో నిర్మించారు. ఎమ్ఎమ్ కీరవాణి సంగీతాన్ని అందించారు. ఆలియా భట్, ఒలీవియా మోరిస్ హీరోయిన్లుగా నటించారు. పిరియాడిక్ జోనర్‌లో వచ్చిన దీనిలో చరణ్.. అల్లూరి, తారక్.. కొమరం భీంగా నటించారు.
అత్యధిక ప్రీ బిజినెస్‌తో రికార్డులు
పట్టాలపై ఉన్న సమయంలోనే భారీ అంచనాలను ఏర్పరచుకున్న RRR మూవీ హక్కులకు అన్ని ప్రాంతాల్లో భారీ డిమాండ్ ఏర్పడింది. అందుకు అనుగుణంగానే తెలుగు రాష్ట్రాల్లో మొత్తంగా రూ. 191 కోట్లు బిజినెస్ జరిగింది. అలాగే, మిగిలిన ప్రాంతాల్లోనూ భారీ రేటు పలికింది. ఇక, అన్ని ఏరియాలు కలిపి రికార్డు స్థాయిలో రూ. 451 కోట్లు మేర బిజినెస్ జరిగినట్లు ట్రేడ్ వర్గాలు లెక్క.
45వ రోజు ఎక్కడ ఎంత రాబట్టింది?
RRR మూవీకి తెలుగు రాష్ట్రాల్లో మొదటి రోజు నుంచే మంచి ఆదరణ దక్కుతూ వచ్చింది. అందుకే ఇది వారంలోనే అన్ని ప్రాంతాల్లో బ్రేక్ ఈవెన్‌ను దాటేసింది. అయితే, క్రమంగా ఈ సినిమా ప్రభావం తగ్గుతూ వస్తోంది. కానీ, వీకెండ్స్‌లో పుంజుకుంటూ వసూళ్లను రాబడుతోంది. ఈ నేపథ్యంలో 45వ రోజైన ఆదివారం రెండు రాష్ట్రాల్లో కలిపి దీనికి రూ. 32 లక్షలు షేర్ వచ్చింది.
45 రోజుల్లో తెలుగు రాష్ట్రాల రిపోర్టు
RRR మూవీకి తెలుగు రాష్ట్రాల్లో 45 రోజుల్లో భారీ కలెక్షన్లు వచ్చాయి. ఫలితంగా నైజాంలో రూ. 111.65 కోట్లు, సీడెడ్‌లో రూ. 51 కోట్లు, ఉత్తరాంధ్రలో రూ. 34.97 కోట్లు, ఈస్ట్‌లో రూ. 16.23 కోట్లు, వెస్ట్‌లో రూ. 13.29 కోట్లు, గుంటూరులో రూ. 18.11 కోట్లు, కృష్ణాలో రూ. 14.66 కోట్లు, నెల్లూరులో రూ. 9.34 కోట్లతో కలుపుకుని రూ. 269.26 కోట్లు షేర్, రూ. 407.55 కోట్లు గ్రాస్ వచ్చింది.
ప్రపంచ వ్యాప్తంగా వచ్చింది ఎంత?
ఆంధ్రా, తెలంగాణలో RRR 45 రోజుల్లో రూ. 269.26 కోట్లు షేర్ వచ్చింది. అలాగే, కర్నాటకలో రూ. 44.35 కోట్లు, తమిళనాడులో రూ. 38.54 కోట్లు, కేరళలో రూ. 10.65 కోట్లు, హిందీలో రూ. 133.26 కోట్లు, రెస్టాఫ్ ఇండియాలో రూ. 9.22 కోట్లు, ఓవర్సీస్‌లో రూ. 102.25 కోట్లతో ప్రపంచ వ్యాప్తంగా 45 రోజుల్లోనే రూ. 607.50 కోట్లు షేర్, రూ. 1131.10 కోట్లు గ్రాస్ వసూలు చేసింది.
బ్రేక్ ఈవెన్ టార్గెట్.. లాభం ఎంత?
భారీ బడ్జెట్‌తో రూపొందిన RRR మూవీకి అంచనాలకు అనుగుణంగానే ప్రపంచ వ్యాప్తంగా రూ. 451 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 453 కోట్లుగా నమోదైంది. ఇక, ఈ సినిమా 45 రోజుల్లోనే ప్రపంచ వ్యాప్తంగా రూ. 607.50 కోట్లు వసూలు చేసింది. ఫలితంగా ఇప్పటికే రూ. 154.50 కోట్ల లాభాలను కూడా సొంతం చేసుకుంది.
