‘సర్కార్’ ప్రీ రిలీజ్ బిజినెస్ మైండ్ బ్లోయింగ్: ఇప్పటికే రూ. 185 కోట్లు...

ఇండియా వైడ్ థియేట్రికల్ రైట్స్

విజయ్ సినిమాలకు తమిళనాడులో భారీ క్రేజ్ ఉన్న నేపథ్యంలో... అక్కడ రికార్డు స్థాయిలో రూ. 81 కోట్ల బిజినెస్ జరిగింది. ఇతర రాష్ట్రాలన్నింటికీ కలిపి ఇండియా వైడ్ టోటల్ రూ. 105.6 కోట్లకు రైట్స్ అమ్మారు.

తెలుగు, కన్నడ రైట్స్

తెలుగు రాష్ట్రాలతో పాటు కన్నడనాట కూడా రైట్స్ మంచి ధరకు అమ్ముడయ్యాయి. కర్నాటకలో రూ. 8 కోట్లకు, తెలుగు రాష్ట్రాల్లో రూ. 7.5 కోట్లకు రైట్స్ అమ్ముడైనట్లు తెలుస్తోంది. రెస్టాఫ్ ఇండియా రైట్స్ రూ. 1 కోటికి అమ్మినట్లు సమాచారం.

ఓవర్సీస్ ‘సర్కార్' బిజినెస్ సూపర్

తమిళులు ఇతర దేశాల్లోనూ ఎక్కువ సంఖ్యలో సెటిలవ్వడంతో ఓవర్సీస్ బిజినెస్ కూడా అదిరిపోయింది. సౌత్ ఈస్ట్ ఏషియా రూ. 11 కోట్లు, నార్త్ అమెరికా రూ. 5.5 కోట్లు, యూఏఈ రూ. 5 కోట్లు, యూరఫ్ రూ. 4.1 కోట్లు, శ్రీలంక రూ. 2 కోట్లు, రెస్టాఫ్ వరల్డ్ రూ. 2.4 కోట్లకు అమ్ముడయ్యాయి.

వరల్డ్ వైడ్ థియేట్రికల్ రైట్స్ రూ. 135 కోట్లు

ప్రపంచ వ్యాప్తంగా అన్ని ఏరియాల్లో థియేట్రికల్ రైట్స్ కలిపి టోటల్ బిజినెస్ రూ. 135 కోట్లకు చేరుకుంది. విజయ్ కెరీర్లోనే ఇదే హయ్యెస్ట్ థియేట్రికల్ బిజినెస్ అని అంటున్నారు ట్రేవడ్ విశ్లేషకులు.

మరో రూ. 50 కోట్లు అదనం

హిందీ డబ్బింగ్ రైట్స్, బ్రాడ్ కాస్టింగ్, శాటిలైట్ రైట్స్ ఇలా అన్నీ కలిపి మరో రూ. 50 కోట్ల అదనపు ఆదాయం వచ్చినట్లు తెలుస్తోంది. ఇలా సర్కార్ మూవీ విడుదల ముందే రూ. 185 కోట్ల బిజినెస్ చేసినట్లు ట్రేడ్ వర్గాల్లో చర్చించుకుంటున్నారు.

గ్రాండ్ రిలీజ్

దీపావళి సందర్భంగా నవంబర్ 6న ప్రపంచ వ్యాప్తంగా ‘సర్కార్' మూవీ దాదాపు రూ. 3 వేలకు పైగా స్క్రీన్లలో భారీగా విడుదల కాబోతోంది. తొలి రోజు ఓపెనింగ్స్ ఏ స్థాయిలో ఉంటాయో అనే ఆసక్తి అందిరిలోనూ నెలకొంది.