షాక్ ఇచ్చిన 'జక్కన్న' ‌:రివ్యూలకు రెవిన్యూకు సంబంధం లేదు, బడ్జెట్, కలెక్షన్స్ ఇవిగో

By Srikanya

| Updated: Wednesday, August 3, 2016, 18:30 [IST]

హైదరాబాద్‌: హాస్యనటుడి నుంచి హీరోగా ఎదిగిన నటుడు సునీల్‌. అందాల రాముడు, మర్యాదరామన్నగా తనకంటూ ప్రత్యేక గుర్తింపు తెచ్చుకున్న సునీల్‌ ఇప్పుడు 'జక్కన్న'గా ప్రేక్షకుల ముందుకు వచ్చాడు. మొన్న శుక్రవారం ఈ చిత్రం విడుదలైన సంగతి తెలిసిందే. అయితే మార్నింగ్ షోకే ఈ చిత్రం డివైడ్ టాక్ ని తెచ్చుకుంది.

అయితే నెగిటివ్ రివ్యూలు ప్రక్కన పెట్టి జనం ఈ వీకెండ్ లో జక్కన్నను బాగానే ఆదిరించారు. చాలా చోట్ల హౌస్ ఫుల్ అయ్యింది. ఫస్ట్ వీకెండ్ లో మంచి రెవిన్యూ వచ్చింది. ఈ విషయంలో సినిమాలో కామెడీ ట్రాక్స్ ద్వారా నవ్వు తెప్పించిన సప్తగిరి,పృధ్వీలకు ...సునీల్ ధాంక్స్ చెప్పుకోవాలి.

దాదాపు 12 కోట్ల వ్యయంతో రూపొందిన ఈ చిత్రం మొదటి వారాంతంలోనే దాదాపు 70% పెట్టిబడి రికవరీ అయ్యింది. అయితే బ్రేక్ ఈవెన్ రావాల్సి ఉంది. సెకండ్ వీకెండ్ దాకా కలెక్షన్స్ స్టడీగా ఉంటే బ్రేక్ ఈవెన్ వస్తుంది. కానీ సోమవారం నుంచి చాలా చోట్ల కలెక్షన్స్ డ్రాప్ అయినట్లు సమాచారం. దాంతో ఇప్పుడు బ్రేక్ ఈవెన్ వస్తుందా రాదా..అనే టెన్షన్ లో డిస్ట్రిబ్యూటర్స్, నిర్మాత ఉన్నారు.

ఇంకా చెక్కాలన్నా! ( 'జక్కన్న' రివ్యూ)

ఇక ఇటీవల కాలంలో సునీల్‌ చేసిన చిత్రాలు అన్నటిలాగే.. సగటు మాస్‌ హీరోల సినిమాలకి ఏమాత్రం తగ్గని విధంగా ఇందులోనూ ఫైట్లు, పాటలు ఉన్నాయి. అయితే.. అందరూ సునీల్‌ నుంచి ఆశించే కామెడీనే లేకపోవటమే మైనస్ అయ్యింది. తెరపట్టనంత మంది నటులు.. పంచ్‌ డైలాగులు.. ప్రాసలు.. ఇలా దేనికీ లోటు లేని సినిమాలో కామెడీనే పండలేదు.

అయితే ఈ చిత్రంలో సునీల్‌ సరసన మన్నారా చోప్రా హీరోయిన్ గా నటించిన ఈ సినిమాలో...'స్వామీ నువ్వా అని హీరోయిన్‌ అంటే ఏం అద్నాన్‌ సమీ అనుకుంటున్నారా'.., 'ఒక్క సారి నేను సీన్‌లోకి ఎంటర్‌ అయినాకా రాసిన రైటర్‌కే డైలాగులుండవ్‌..

తొక్కి పారేస్తా'.. లాంటి సంభాషణలు ప్రేక్షకులకు నవ్వు తెప్పించే విధంగా ఉన్నాయి. వంశీ ఆకెళ్ల ఈ చిత్రానికి దర్శకత్వం వహించారు.

స్లైడ్ షోలో...ఫస్ట్ వీకెండ్ కలెక్షన్ డిటేల్స్