Varisu day 2 Collections బాక్సాఫీస్ వద్ద వారిసు దుమారం.. 50 కోట్ల క్లబ్‌లోకి విజయ్

వారిసు తొలి రోజు కలెక్షన్లు

వారిసు సినిమా తొలి రోజు కలెక్షన్ల వివరాల్లోకి వెళితే.. తమిళనాడులో 20 కోట్లకుపైగా, తెలుగు రాష్ట్రాల్లో తమిళ వెర్షన్ 20 లక్షలు, కర్ణాటకలో సుమారు 6 కోట్లు, కేరళలో సుమారు 5 కోట్లు, మిగితా రాష్ట్రాల్లో 1 కోటి, ఓవర్సీస్‌లో 15 కోట్ల రూపాయలు వసూలు చేసింది. దాంతో ఈ చిత్రం 47 కోట్ల గ్రాస్, 30 కోట్ల మేర షేర్ సాధించింది.

రెండో రోజు ఆక్యుపెన్సీ ఎలా అంటే

వారిసు రెండో రోజు ఆక్యుపెన్సీ విషయానికి వస్తే.. చెన్నైలో 73 శాతం, బెంగళూరులో 30 శాతం, మధురై 76 శాతం, కోయంబత్తూరులో 81 శాతం, పాండిచ్చేరిలో 95 శాతం, కోచిలో 50 శాతం, ముంబైలో 10 శాతం, ఢిల్లీలో 4 శాతం ఆక్యుపెన్సీ నమోదు చేసింది.

ఓవర్సీస్‌లో రెండో రోజు వారిసు

ఇక రెండో రోజు కలెక్షన్ల వివరాల్లోకి వెళితే.. అమెరికాలో వారిసు చిత్రం 272 లొకేషన్లలో 580 షోల ద్వారా మొత్తం 40K వసూళ్లను సాధించింంది. ఇక సింగపూర్‌లో ఈ చిత్రం 164 షోల ద్వారా 29 లక్షలు వసూలు చేసింది. మలేషియాలో 1090 షోల ద్వారా మొత్తం 1 కోటి రూపాయలు అడ్వాన్స్ బుకింగ్ రూపంలో వసూలు చేసింది. ఆస్ట్రేలియాలో చిత్రం 109 షో ద్వారా 32 లక్షలు రాబట్టింది.

తమిళనాడు, కేరళ, కర్ణాటకలో

వారిసు తమిళనాడుతోపాటు ఇతర రాష్ట్రాల్లో కూడా భారీగానే అడ్వాన్స్ బుకింగ్ నమోదు చేసింది. కేరళలో 35 శాతం ఆక్యుపెన్సీతో సుమారు 1 కోటి రూపాయలు, కర్ణాటకలో 41 శాతం ఆక్యుపెన్సీతో 2 కోట్లకుపైగా వసూళ్లను సాధించే అవకాశం ఉంది. తమిళనాడులో మరో 15 కోట్ల మేర వసూళ్లను సాధిస్తుందని ట్రేడ్ వర్గాలు వెల్లడించాయి.

రెండో రోజున 50 కోట్ల క్లబ్‌లోకి

విజయ్, దిల్ రాజు, వంశీ పైడిపల్లి కాంబినేషన్‌లో వచ్చిన వారిసు తొలి రోజు 30 కోట్ల షేర్, రెండో రోజున 20 కోట్ల షేర్ సాధించే అవకాశం ఉంది. దాంతో ఈ సినిమా రెండో రోజు 50 కోట్ల క్లబ్‌లో చేరడానికి అవకాశాలున్నాయి. అయితే తొలి రోజుతో పోల్చుకొంటే భారీగా ఆక్యుపెన్సీ క్షీణించింది. దాంతో ఈ సినిమా రెండో రోజు వసూళ్లు భారీగా తగ్గే సూచనలున్నాయి.

వారిసు బ్రేక్ ఈవెన్ ఎంతంటే?

వారిసు సినిమా బ్రేక్ ఈవెన్ విషయంలోకి వెళితే.. మూవీ ప్రపంచవ్యాప్తంగా 138 కోట్ల మేర ప్రీ రిలీజ్ బిజినెస్ చేసింది. దాంతో ఈ సినిమా 139 కోట్లు రాబట్టాల్సి ఉంటుంది. ఇప్పటికే 50 కోట్ల మేర సాధించే అవకాశాలు ఉన్నాయి కాబట్టి.. ఇాంకా 90 కోట్లు సాధిస్తే.. లాభాల్లోకి వచ్చే అవకాశం ఉంది. ఈ సినిమా ఎన్ని రోజుల్లో లాభాల్లోకి వస్తుందో వేచి చూడాల్సిందే.