ఎ ఆర్ మురుగదాస్

బయోగ్రఫీ:  మురుగ దాస్ దక్షిణ భారతదేశానికి చెందిన చలన చిత్ర దర్శకుడు. తెలుగు, తమిళ, హిందీ సినిమాలకు దర్శకత్వం వహించాడు. తమిళనాడు లోని సేలం దగ్గర్లోని కళ్లకురిచ్చి అనే పల్లెటూర్లో జన్మించాడు. ఆరుగురు పిల్లల్లో నాలుగోవాడు. తండ్రిది చిన్న సామాన్ల దుకాణం. ఇంటర్ వరకు అదే ఊర్లో చదివాడు. బీయే కోసం తిరుచ్చి వెళ్ళాడు. కాలేజీలో ఏ సాంస్కృతిక ప్రదర్శనలు జరిగినా ముందుండేవాడు. అక్కడ చదువుతున్నప్పుడు సినిమాలు చూడ్డం పెరిగి, సినిమాల్లో ప్రయత్నించాలనే కోరిక ఎక్కువైంది. సినిమాల్లో మంచి కథా రచయితగా స్థిరపడాలని చెన్నై వెళ్ళాడు. కలైమణి అనే తమిళ రచయిత దగ్గర కాపీ రైటర్‌గా చేరాడు. కొన్నాళ్ల తరువాత దర్శకత్వం మీద మోజు పుట్టింది. దాంతో అమృతం అనే దర్శకుణ్ణి ఆశ్రయించాడు. అక్కడ నుంచి దాదాపు పదేళ్ళు దర్శకత్వశాఖలో ఉన్నాడు. ఎస్‌.జె.సూర్య దగ్గర అసిస్టెంట్‌ డైరెక్టర్‌గా వాలి, ఖుషి వంటి సినిమాలకు పనిచేశాడు. గజిని, స్టాలిన్, సెవెంత్ సెన్స్, స్పైడర్, సర్కార్ వంటి మొదలగు సినిమాలకు దర్శకత్వం వహించారు.