కె.కె

బయోగ్రఫీ:  కృష్ణ కుమార్ (K.K.)ఒక భారతీయ నేపథ్య గాయకుడు. అతను హిందీ, తమిళం మరియు తెలుగు చిత్రాలలో ప్రముఖ గాయకుడు. కె.కె తెలుగులో వరుసగా సూపర్ హిట్స్ సాంగ్స్ పాడారు. ముఖ్యంగా పవర్ స్టార్ పవన్ కళ్యాణ్‌కు ఖుషి సినిమాలో ఏ మేరా జహా, బాలు సినిమాలో ఇంతే ఇంతింతే, గుడుంబా శంకర్ సినిమాలో లె లె లేలే వంటి సాంగ్స్ పాడారు. మూడు సినిమాలకు సంగీత దర్శకుడు మణిశర్మ కావడం విశేషం.  మనసంతా నువ్వే, ఆర్య 2 లాంటి చాలా బ్లాక్ బస్టర్ సినిమాలలో పాటలు పాడారు. ఇక హిందీలో అయితే, కె.కె లేకుండా ఆల్బం ఉండేది కాదు. మన టాలీవుడ్ దివంగత లెజండరీ సింగర్ అయిన ఎస్పీ బాలసుబ్రమణ్యంకి కె.కె ఎంతో ఇష్టమైన సింగర్. 1/6/2022 కోల్‌కత్తాలో కె.కె లైవ్ పర్ఫార్మెన్స్ ఇస్తూ సడన్‌గా గుండెపోటుకు గురైయ్యారు. ఉన్నచోటే కుప్పకూలిపోవడంతో సిబ్బంది వెంటనే ఆయనను ఆసుపత్రికి తరలించారు. కానీ, అప్పటికే ఆయన మృతి చెందినట్టు డాక్టర్లు వెల్లడించారు.