ఉషా

బయోగ్రఫీ:  ఉష గాయనిగా ప్రస్థానాన్ని "పాడుతా తీయగా" అనే "ఈ టీవీ" టెలివిజన్ ప్రోగ్రాం ద్వారా ప్రారంభించింది. ఈ కార్యక్రమం ఎస్.పి.బాలసుబ్రహ్మణ్యం గారి అధ్వర్యంలో జరుగుతుంది. ఈమె ఈ కార్యక్రమంలో మొదటి స్థానంలో నిలిచింది. ఆ తర్వాత ఈమె "జెమిని టీ.వీ" లోని "నవరాగం" అనే కార్యక్రమంలో కూడా విజేతగా నిలిచింది. ఉష 1996 నుండి 2000 మధ్య అనేక సంగీత ప్రాధాన్యం గల టెలివిజన్ షోలలో పాల్గొన్నది. "జెమిని టెలివిజన్" వారి "ఎందరో మహానుభావులు" కార్యక్రమంలో పాల్గొని శ్రోతల, వీక్షకుల అభిమానాన్ని చూరగొంది. తర్వాత ఆమె "స్టార్ టీ.వీ" లోని "మేరీ ఆవాజ్ సునో" కార్యక్రమంలో పాల్గొని ఆల్ ఇండియా ఫైనల్స్ లోనికి ఎంపికయింది. ఆమె "జీ టీ.వీ" మరియు ఇ.ఎల్.టి.వి. వంటి వివిధ హిందీ టెలివిజన్ కార్యక్రమాలలో కూడా పాల్గొని విశేష ఖ్యాతి పొందింది.