హోమ్

గాసిప్స్

హైదరాబాద్ : వరస ఫ్లాపులతో కెరీర్ వెనక్కి వెళ్తూండటంతో వాటికి చెక్ పెట్టడానికి అల్లరి నరేష్ కొన్ని కండీషన్స్ ని తన దర్శక,నిర్మాతలకు విధించటానికి నిర్ణయించుకున్నట్లు సమాచారం. అవన్ని సక్రమంగా అమలు చేస్తే ఈ సంవత్సరం మూడు సినిమాలు రిలీజ్ అవుతాయని భావిస్తున్నాడు. ఎక్కువ సినిమాలు రిలీజ్ అయితే తన సక్సెస్ రేషియో కూడా పెరుగుతుందని ఆలోచనతో ఈ పనిచేస్తున్నడని అంటున్నారు. ఫిల్మ్ సర్కిల్స్ లో వినిపిస్తున్నంతవరకూ ఆ కండీషన్స్ ఇవే...

1) సినిమా మొత్తం అరవై రోజులు లోపే పూర్తి కావాలి

2) టాకీ పార్ట్ - 45 రోజులు

3) పాటలు - 15 రోజులు

4)మొదట కమిటైన బడ్జెట్ కు రూపాయ కూడా ఎక్కువ ఖర్చుపెట్టకూడదు

5)సీన్స్ లో డైలాగుల్లో ఎక్కడా పారెడీ, ఇతర చిత్రాల అనుకణ ఉండకూడదు

6)కొత్త తరహా కామెడీ తో కథలు ఉండాలి

7) జంబలికిడి పంబ, ఆ ఒక్కటీ అడక్కు, ఆలీబాబా అరడజను దొంగలు వంటి తన తండ్రి సూపర్ హిట్స్ కు సీక్వ్లెల్ చేయను..వాటితో కథలు తేవద్దు

''ఈవీవీ సినిమా సంస్థ నుంచి ఓ సినిమా వస్తోందంటే 'కచ్చితంగా మంచి సినిమానే అయ్యుంటుంది' అనే నమ్మకం ప్రేక్షకుల్లో ఉంది. అందుకే మేం కూడా నాన్న పేరు.. పరువు నిలబెట్టే సినిమాలే తీయాలని నిర్ణయించుకొన్నాం'' అంటున్నారు అల్లరి నరేష్‌.

ఇక ''నన్ను దర్శకుడిగా చూడాలన్నది నాన్న కల. నేనూ ఆ ప్రయత్నాల్లోనే ఉన్నా. నటిస్తూ ఓ చిత్రాన్ని నిర్మించడం సులభమే. కానీ నటిస్తూ, దర్శకత్వం వహించడం చాలా కష్టం. అందుకే ఇంతకాలం వేచి చూశా. 2017లో ఓ సినిమాకు దర్శకత్వం వహిస్తా. 50 చిత్రాల మైలురాయికి దగ్గర పడ్డా. ఆ సినిమా ఎలా ఉండాలో ఇంకా ఓ నిర్ణయానికి రాలేదు. ప్రత్యేకంగా తీర్చిదిద్దాలన్న ఆలోచనలూ లేవు. కానీ ఓ మంచి చిత్రంగా మిగిలిపోవాలి. జయాపజయాలు మామూలే. మా నాన్న కెరీర్‌లోనూ అంతే. వరుసగా 22 విజయవంతమైన చిత్రాలు తెరకెక్కించారు. ఆ తరవాత ఫ్లాపులొచ్చాయి. మళ్లీ ఓ హిట్టుతో ట్రాక్‌లోకి వచ్చేశారు. ఎవరికైనా అంతే. ఓ హిట్టు దొరికితే.. జాతకాలు మారిపోతాయి''.