హోమ్

గాసిప్స్

అసురన్ లాంటి చిత్రంతో దక్షిణాదిన సంచలనంగా మారిపోయాడు హీరో ధనుష్. విడుదలైంది కేవలం తమిళంలోనే అయినా అతని నటన మాత్రం అన్ని రాష్ట్రాల ప్రేక్షకులు మాట్లాడుకున్నారు. అసురన్ చిత్రం తమిళంలో వసూళ్ల సునామిని సృష్టించగా.. ఆ సినిమాపై పలు ఇండస్ట్రీల కన్నుపడింది. ఇప్పటికే ఈ చిత్రాన్ని తెలుగులో రీమేక్ చేయబోతోన్నట్లు అధికారికంగా ప్రకటించిన సంగతి తెలిసిందే.

ధనుష్ లాంటి నటుడు, గౌతమ్ మీనన్ లాంటి వినూత్న దర్శకుడు కలిసి చేస్తే వచ్చే చిత్రాలపై భారీ అంచనాలు నెలకొంటాయి. అలాంటి ఓ ప్రాజెక్ట్‌పై అనేక రూమర్ల వినిపిస్తున్నాయి. ఒక ప్రాజెక్టుపై కలిసి పనిచేస్తున్నప్పుడు సహజంగానే భేదాభిప్రాయాలు తలెత్తుతుంటాయి. అయితే అవి స్థాయిని దాటి వెళితే ఆ ప్రాజెక్టు దెబ్బతినే అవకాశం ఉంటుంది. కోలీవుడ్ టాలెంటెడ్ యాక్టర్, డైరెక్టర్ తెరకెక్కిస్తున్న చిత్రం కూడా ఇలాంటి సమస్యల్లోనే చిక్కుకున్నట్లు తెలుస్తోంది.

ధనుష్ హీరోగా గౌతమ్ మీనన్ 'ఎన్నై నోకి పాయుమ్ తోట' అనే సినిమాను రూపొందించాడు. మేఘ ఆకాశ్ కథానాయికగా నటించిన ఈ సినిమా విషయంలో, గౌతమ్ మీనన్‌కి .. ధనుష్‌కి మధ్య ఎక్కడో అభిప్రాయ భేదాలు వచ్చాయని టాక్. ఈ కారణంగానే ఈ సినిమా పూర్తి కావడానికి రెండేళ్లకి పైగా పట్టిందని సమాచారం. ఇప్పుడు ఈ సినిమాను తమిళంతో పాటు తెలుగులోను ఈనెల 29న విడుదల చేయనున్నారు. తెలుగులో 'తూటా' అనే టైటిల్ ను ఖరారు చేశారు. ఈ సినిమా విషయంలో దర్శకుడిని ధనుష్ పక్కన పెట్టేశాడని కొంతమంది అంటుంటే, గౌతమ్ మీనన్ ఈ సినిమా గురించి పట్టించుకోవడం లేదని మరికొందరు చెప్పుకుంటున్నారు.