సమంత, రవితేజ సినిమాలు ఒకే పాయింట్‌తో.. డిస్కో రాజా స్టోరీ లీక్!

కొరియన్ మూవీ రీమేక్

నందిని రెడ్డి సమంత కోసం ఆసక్తికరమైన కథ సిద్ధం చేశారు. కొరియాలో ఘనవిజయం సాధించిన మిస్ గ్రానీ అనే చిత్రానికి రీమేక్ గా ఈ చిత్రం తెరకెక్కుతోంది. 80 ఏళ్ల వృద్ధురాలు ఓ ఫోటో స్టూడియోలోకి ప్రవేశించి ఊహించని విధంగా 20 ఏళ్ల యువతిలా మారిపోయి వస్తుంది.ఆసక్తికరమైన ఈ అంశంతో నందిని రెడ్డి, సమంత చిత్రం రూపొందుతోంది. సమంత వృద్దురాలిగా, యువతిగా ఈ చిత్రంలో డ్యూయెల్ రోల్ లో నటిస్తోంది.

‘96' రీమేక్: శర్వానంద్, సమంత సినిమా కోసం కాస్టింగ్ కాల్

అదే పాయింట్‌తో

విఐ ఆనంద్ రవితేజతో తెరకెక్కించే డిస్కో రాజా చిత్ర కథ కూడా లీక్ అయినట్లు తెలుస్తోంది. జరుపుతున్న ప్రచారంను ప్రకారం.. ఈ చిత్రంలో రవితేజ ఆరంభంలో వృద్ధుడి పాత్రలో కనిపిస్తాడట. ఊహించని విధంగా మాయమైపోయిన అతడు యువకుడిగా తిరిగి వచ్చి ప్రతీకారం తీచుకుంటాడట. ఇదెలా సాధ్యమైందో తెలియాలంటే డిస్కోరాజా చిత్రం విడుదలయ్యే వరకు ఆగాల్సిందే. డిస్కోరాజా చిత్రం సమంత ఓ బేబీ చిత్ర కథని పోలి ఉందనే కామెంట్స్ వినిపిస్తున్నాయి..

యాక్షన్ ఎక్కువగా

కథలోని పాయింట్ ఒకేలా కనిపిస్తున్నా డిస్కో రాజా, ఓ బేబీ చిత్రాలు రెండూ విభిన్నం అని అంటున్నారు. డిస్కోరాజలో యాక్షన్ సన్నివేశాలు ఎక్కువగా ఉంటాయి. కానీ ఓబేబి చిత్రం కామెడీ ప్రధానంగా సాగుతుంది. ఈ ఏడాదే ప్రేక్షకుల ముందుకు రానున్న ఈ చిత్రాలు ఈమేరకు అలరిస్తాయో చూడాల్సి ఉంది.

రవితేజకు తప్పనిసరిగా

డిస్కోరాజా చిత్రం విజయం సాధించడం రవితేజ కెరీర్ కు చాలా కీలకం. రవితేజ గత చిత్రాలు వరుసగా నిరాశపరిచాయి. ఈ సారి ఎలాగైనా విజయాన్ని అందుకోవాలని రవితేజ ఈ డిఫరెంట్ స్టోరీకి గ్రీన్ సిగ్నల్ ఇచ్చాడు. దర్శకుడు విఐ ఆనంద్ ఎక్కడికి పోతావు చిన్నవాడా చిత్రంతో మంచి విజయాన్ని సొంతం చేసుకున్నాడు. 2017లో ఈ దర్శకుడికి కూడా ఒక్క క్షణం రూపంలో పరాజయం ఎదురైంది.