హోమ్

గాసిప్స్

మాస్ పల్స్ తెలిసిన అతి కొద్ది మంది దర్శకుల్లో హరీష్ శంకర్ ఒకరు. కథ ఏదైనా సరే.. మాస్‌ మెచ్చేలా.. వారికి నచ్చేలా చిత్రీకరించడంలో హరీష్ శంకర్ స్టైలే వేరు. అందుకే పవన్ కళ్యాణ్ లాంటి స్టార్ హీరోతో ఓ రీమేక్ తీసి ఇండస్ట్రీ హిట్ కొట్టాడు. తాజాగా వరుణ్ తేజ్‌తో కూడా ఓ రీమేక్ చేసి గద్దలకొండ గణేష్‌ అనే కొత్త అవతారాన్ని చూపించాడు. ఈ చిత్రం బాక్సాఫీస్ వద్ద ఘన విజయాన్ని నమోదు చేసింది.

ఇక్కడి వరకు అంతా బాగానే నడిచింది. గద్దలకొండ గణేష్ వచ్చింది.. హిట్ అయింది.. వెళ్లిపోయింది.. వరుణ్ తేజ్ కూడా కొత్త ప్రాజెక్ట్‌లతో బిజీగా ఉన్నాడు. కానీ హరీష్ శంకర్ మాత్రం మరో సినిమాను పట్టాలెక్కించలేదు. స్టేజ్ ఎక్కితే చాలు.. ఏ హీరో ఎదురుగా ఉంటే ఆ హీరోను చాన్స్ అడగడం మాత్రం చేస్తుంటాడు. రీసెంట్‌గా రజినీ కాంత్‌ను సైతం అడిగేసి అందర్నీ ఆశ్చర్యానికి గురి చేశాడు.

హరీష్ శంకర్ ప్రస్తుతం అక్కినేని హీరోలపై గురి పెట్టాడని తెలుస్తోంది. పెద్ద హీరోలెవరూ ఖాళీగా లేకపోవడంతో మధ్యలో ఓ సినిమాను కంప్లీట్ చేయాలని భావిస్తున్నట్లు తెలుస్తోంది. ఈ క్రమంలో అక్కినేని హీరోలతో చర్చలు జరపాలని ప్రయత్నిస్తున్నాడని సమాచారం. అయితే నాగ చైతన్య వరుస ప్రాజెక్ట్‌లతో బిజీగా ఉండటంతో.. అఖిల్‌తో సినిమా చేసే అవకాశం ఉన్నట్లు కనిపిస్తోంది. అఖిల్ చేతిలో ప్రస్తుతం బొమ్మరిల్లు భాస్కర్ ప్రాజెక్ట్ మాత్రమే ఉంది.