'నా పేరు సూర్య'పై షాకింగ్ రూమర్!: రాజశేఖర్ సినిమాతో లింకు?.. ఏంటిదంతా..

రాజశేఖర్ 'ఆగ్రహం'..:

ఓ 20ఏళ్లు వెనక్కి వెళ్తే.. అప్పట్లో రాజశేఖర్ హీరోగా నటించిన 'ఆగ్రహం' సినిమా వచ్చింది. ఆ సినిమాలో రాజశేఖర్ పాత్ర సరిగ్గా ఇప్పుడు వచ్చిన 'నా పేరు సూర్య'లో అల్లు అర్జున్ పాత్ర తరహాలో ఉంటుంది. యాంగ్రీ ఆర్మీ మ్యాన్ గా.. నిండా దేశభక్తి కలిగి ఉన్న వ్యక్తిగా రాజశేఖర్ ఆ సినిమాలో కనిపించారు.

ఆ పాత్రతో పోలిక..:

అల్లు అర్జున్ ఇప్పుడు పోషిస్తున్న పాత్రకు, ఆ పాత్రకు దగ్గరి పోలికలు ఉన్నట్లు కనిపిస్తున్నాయంటున్నారు. ఆ సినిమాలో సైన్యం నుంచి సెలవులపై ఇంటికి వచ్చే రాజశేఖర్.. బాధ్యతరాహిత్యంగా తిరిగే జనాలను చూసి ఆగ్రహంతో రగిలిపోతుంటాడు. తప్పు చేసేవాళ్లను ఏమాత్రం సహించడు. ఆఖరికి హీరోయిన్ సోదరుడిని కూడా కొట్టి ఇబ్బందులు కొని తెచ్చుకుంటాడు.

అవే ఛాయలు..:

మొత్తానికి ఆ కోపం తనకు బలమో.. బలహీనతో తెలియని క్యారెక్టరైజేషన్ తో రాజశేఖర్ పాత్ర సాగుతుంది. 'నా పేరు సూర్య'లో అల్లు అర్జున్ పాత్ర చూస్తుంటే ఆ సినిమా ఛాయలు గుర్తొస్తున్నాయంటున్నారు. అయితే స్క్రీన్ ప్లే పరంగా ఆ సినిమాకు, ఈ సినిమాకు అసలు పోలిక ఉండకపోవచ్చని కూడా చెప్పవచ్చు.

'ఆగ్రహం' స్ఫూర్తిగా?:

కథా పరంగా.. క్యారెక్టరైజేషన్ పరంగా రెండింటికి పోలిక ఉండటంతో దర్శకుడు వక్కంతం వంశీ ఆ సినిమాను స్ఫూర్తిగా తీసుకుని ఉంటారా? అన్న సందేహాలు వ్యక్తమవుతున్నాయి.

కథ సంగతేమో గానీ క్యారెక్టరైజేషన్ మాత్రం స్ఫూర్తి అనుకోవడానికి లేదేమో!. గతేడాది వచ్చిన అర్జున్ రెడ్డి క్యారెక్టరైజేషన్ కూడా యాంగ్రీ యంగ్ మ్యాన్ క్యారెక్టరే. కథా నేపథ్యాన్ని బట్టి ఆ కోపం తాలుకు షేడ్స్ మారుతుంటాయి. కాబట్టి 'నా పేరు సూర్య'లోనూ అల్లు అర్జున్ యాంగ్రీ యంగ్ మ్యాన్‌గా డిఫరెంట్ షేడ్స్‌లో కనిపిస్తారేమో చూడాలి!