twitter
    For Quick Alerts
    ALLOW NOTIFICATIONS  
    For Daily Alerts

    నిర్మాత అవతారం ఎత్తనున్న స్టార్ డైరెక్టర్..?

    |

    సినీ పరిశ్రమలో దర్శకులు నిర్మాతలుగా మారడం, హీరోలు డైరెక్టర్లు కావడం, డైరెక్టర్లు హీరోలు కావడం చూస్తూనే ఉన్నాం. ఇప్పటికే ఎంతోమంది సినీ ప్రముఖుల విషయంలో ఇది జరిగింది. అయితే తాజాగా వినిపిస్తున్న సమాచారం మేరకు స్టార్ డైరెక్టర్ కొరటాల శివ కొత్తగా నిర్మాత అవతారమెత్తనున్నాడని తెలుస్తోంది. అది కూడా భారీ బడ్జెట్ సినిమాతోనే ఆయన ఎంట్రీ ఉండనుందని ఫిలింనగర్ టాక్.

    దర్శకుడిగా కొరటాల శివకు మంచి రికార్డ్ ఉంది. ఆయన దర్శకత్వంలో వచ్చిన ప్రతీ మూవీ సూపర్ డూపర్ హిట్ సాధించింది. ఇటీవలే భరత్ అనే నేను సినిమాతో భారీ బ్లాక్ బస్టర్ సినిమాను తన ఖాతాలో వేసుకున్న కొరటాల.. ప్రస్తుతం మెగాస్టార్ చిరంజీవితో సినిమా చేయడానికి సన్నద్ధం అవుతున్నాడు. ఈ సినిమా ఆగస్టు నెలలో సెట్స్ పైకి వెళ్లనుంది.

    Koratala Siva Turns as a Producer..?

    అయితే ఈ సినిమాను డైరెక్ట్ చేస్తూనే.. మరోపక్క నిర్మాతగా కూడా తన లక్ పరీక్షించుకోవాలని భావిస్తున్నాడట కొరటాల శివ. ఈ మేరకు ఓ అగ్ర నిర్మాణ సంస్థతో కలిసి భారీ సినిమాలో భాగం కావాలని ఆయన సన్నాహాలు చేస్తున్నారట. పైగా తాను నిర్మించనున్న సినిమాను స్టార్ హీరోతో అన్ని హంగులు జోడించి చిత్రీకరించాలనేది కొరటాల ఆలోచన అని తెలుస్తోంది. కాగా కొరటాల నిర్మించనున్న ప్రాజెక్టులో ఆయన స్నేహితులు కొంతమంది పెట్టుబడులు పెట్టబోతున్నారని సమాచారం.

    ఇప్పటికే దర్శకుడిగా సత్తా చాటుతున్న కొరటాల శివ.. నిర్మాతగా కూడా క్లిక్ అయ్యాడంటే తాను డైరెక్ట్ చేసే సినిమాల్లో కూడా నిర్మాతగా వాటా తీసుకునే అవకాశాలు ఉంటాయి. అయితే ఫిలింనగర్ వర్గాల్లో కొరటాల నిర్మాత అనే వార్త బాగా హల్చల్ చేస్తున్నప్పటికీ.. దీనిపై ఎటువంటి అధికారిక ప్రకటన లేకపోవడం గమనించదగిన విషయం.

    English summary
    Chiranjeevi is ready to go on sets of Koratala Siva. The Shooting will starts from August. On parallel of this movie Koratala Siva turns as a producer for a new movie
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X