అల్లు అర్జున్ ‘నాపేరు సూర్య’లో నాగబాబుకు వాటాలు!

నాగబాబుకు వాటాలు

ఈ చిత్రాన్ని నాగబాబు, బన్నీ వాసు ఆధ్వర్యంలో నిర్మిస్తున్నామని నిర్మాత లగడపాటి చెప్పడం బట్టి చూస్తే సినిమా నిర్మాణంలో వీరికి కూడా వాటాలు ఉన్నట్లు తెలుస్తోంది. ఒకప్పుడు నిర్మాతగా ఓ వెలుగు వెలిగిన నాగబాబు ఆరెంజ్ సినిమా తర్వాత ఆర్థికంగా చితికిపోయి సినిమాలు తీయడం మానేసిన సంగతి తెలిసిందే.

ఇప్పుడిప్పుడే నాగబాబు

ఆర్థిక ఇబ్బందుల నుండి ఇప్పుడిప్పుడే బయటపడుతున్న నాగబాబు నేరుగా సినిమా చేసి రిస్క్ చేయకుండా.... ఇతర బేనర్లతో కలిసి సినిమాల నిర్మాణంలో భాగస్వామ్యం అవుతున్నట్లు తెలుస్తోంది.

నా పేరు సూర్య

‘నా పేరు సూర్య' సినిమా విషయానికొస్తే ఈ చిత్రంలో అల్లు అర్జున్ హీరోగా నటిస్తున్నాడు. హీరోయిన్ ఎవరు? అనేది ఇంకా ఖరారు కాలేదు. యాక్షన్ కింగ్ అర్జున్, శరత్ కుమార్ ముఖ్య పాత్రలు పోషిస్తున్నారు. త్వరలో ఇతర నటీనటుల వివరాలు వెల్లడికానున్నాయి.

నాగబాబు సమర్పణ

ఈ చిత్రానికి ఎడిటర్ - కోటగిరి వెంకటేశ్వరరావు (చంటి), ఫైట్స్ - రామ్ లక్ష్మణ్, సాహిత్యం - రామజోగయ్య శాస్త్రి, ప్రొడక్షన్ డిజైనర్ - రాజీవన్, సినిమాటోగ్రఫి - రాజీవ్ రవి, సంగీతం - విశాల్ - శేఖర్,
ప్రొడక్షన్ కంట్రోలర్ - డి. యోగానంద్, ఎగ్జిక్యూటివ్ ప్రొడ్యూసర్ - బాబు, బ్యానర్ - రామలక్ష్మీ సినీ క్రియేషన్స్, సమర్పణ - k.నాగబాబు, సహ నిర్మాత - బన్నీ వాసు, నిర్మాత - శిరీషా శ్రీధర్ లగడపాటి
రచన, దర్శకత్వం - వక్కంతం వంశీ.