నిర్మాతకు షాకిచ్చిన నయనతార.. ఆ డబ్బు ఇస్తేనే..

భారీ మొత్తం డిమాండ్

ఆరడుగల బుల్లెట్ చిత్రాన్ని విడుదల చేయాలని నిర్ణయించాం. ఇప్పటికే ఆర్థిక సమస్యలతో ఈ ప్రాజెక్ట్ నలిగిపోయింది. మీరు ప్రమోషన్స్‌కు వచ్చి సహకరిస్తే కొంత గట్టెక్కే పరిస్థితి ఉంటుంది అని ఆమెను నిర్మాతలు కోరారట. అయితే వారం రోజులపాటు టీవీ షోలకు, మీడియాకు ఇంటర్వ్యూ ఇస్తాను. కాకపోతే నేను డిమాండ్ చేసే మొత్తాన్ని సమర్పించాలని కోరిందట.

వారం రోజులకు ముట్టజెప్పాల్సిందే..

హీరో గోపిచంద్‌తో కలిసి సినిమా ప్రమోషన్‌ను వారంరోజులపాటు చేస్తాను. టీవీలకు, ఇతర మీడియాకు ఇంటర్వ్యూలో ఇస్తాను. కాకపోతే రూ.30 లక్షలు, వసతి, ప్రయాణ ఏర్పాట్లు చూసుకోవాలని డిమాండ్ చేసిందట.

ఇతర షెడ్యూల్స్‌కు ప్రాబ్లం

నిర్మాత కష్టాల్లో వున్నాడని చెప్పి కాస్త కరుణించమని నయనతారను కోరినా దేనకదే అని స్పష్టం చేసింది. తాను ఈ చిత్రం ప్రచారం కోసం వచ్చినట్టయితే తన తమిళ చిత్రాల షెడ్యూల్స్‌ దెబ్బతింటాయి. డిమాండ్ చేసిన మొత్తాన్ని ఇచ్చినట్టయితే వస్తాను లేదంటే లేదు అని తేల్చేసిందట. ఆమెకి ముప్పయ్‌ లక్షలు ఇవ్వగలిగితే ఆ డబ్బు పేపర్‌, టీవీ యాడ్స్‌ మీదే ఖర్చు పెట్టుకోవచ్చునని నయనపై ఆశలు వదిలేసుకున్నారట.

ఓపెనింగ్స్ కష్టమేనట..

ఆరడుగుల బుల్లెట్ చిత్రానికి సీనియర్ డైరెక్టర్ బీ గోపాల్ దర్శకత్వం వహిస్తున్నారు. మణిశర్మ సంగీతం, వక్కంత వంశీ కథను అందించారు. ఇలాంటి గొప్ప పేర్లున ఈ క్రేజీ ప్రాజెక్ట్‌కు ఓపెనింగ్స్ రావడం కష్టమే అంటున్నాయి సినీ వర్గాలు. ఈ చిత్రాన్ని తాండ్ర రమేశ్ నిర్మించాడు.