పవన్‌ కల్యాణ్‌కు దిమ్మతిరిగే రెమ్యునరేషన్.. 40 రోజులకు ఎంతో తెలుసా?

ఎన్నికల ముందు పవన్ మరో సినిమా

రానున్న ఎన్నికల్లో పోటీ చేసేందుకు జనసేన పార్టీని పవన్ కల్యాణ్ సన్నద్ధం చేస్తున్నాడు. ఈ లోపు మూడు నాలుగు సినిమాలు చేసి రాజకీయాలపై పూర్తిస్థాయిలో దృష్టి పెట్టడానికి సిద్ధం అవుతున్నాడు. వచ్చే ఎన్నికల నాటికి సినిమాలు పూర్తి చేసి ఎన్నికల కోసం ప్రచారం చేయడానికి పవన్ కల్యాణ్ ప్రణాళికను రూపొందిస్తున్నారు. జిల్లాల వారీగా జనసేన సిపాయిలను రెడీ చేస్తున్నారు.

Recommended Video

Pawan Kalyan and Trivikram Film Satellite Rights Got Record Price

సంతోష్ శ్రీనివాస్ దర్శకత్వంలో పవర్ స్టార్ చిత్రం

రాజకీయంగా ఇలా ముందుకెళ్తునే త్రివిక్రమ్ సినిమా షూటింగ్‌లో నిమగ్నమయ్యాడు. త్వరగా త్రివిక్రమ్ సినిమాను పూర్తి చేసి మరో సినిమాను సెట్స్‌పైకి తీసుకెళ్లడానికి ప్లాన్ చేస్తున్నారు పవర్‌స్టార్. ఈ క్రమంలో సంతోష్ శ్రీనివాస్ సినిమాకు గ్రీన్ సిగ్నల్ ఇచ్చాడు. మూడు నెలల్లోనే సినిమాను ఖచ్చితంగా పూర్తి చేయాలని ముందే హెచ్చరించినట్టు తెలుస్తున్నది.

జోరందుకున్న ప్రీ ప్రొడక్షన్ పనులు

ఓ వైపు త్రివిక్రమ్ సినిమా షూటింగ్ జరుగుతుంటే.. దర్శకుడు సంతోష్ శ్రీనివాస్ తన సినిమాపై కసరత్తు చేస్తున్నారు. ఈ సినిమాకు సంబంధించిన ప్రీ ప్రొడక్షన్ పనులు జోరందుకున్నాయి. ఈ చిత్రంలో రకుల్ ప్రీత్ సింగ్ హీరోయిన్‌గా నటించనున్నారనే వార్తలు మీడియాలో వస్తున్నాయి.

భారీగా రెమ్యునరేషన్ ఆఫర్..

త్రివిక్రమ్ సినిమా తర్వాత పవన్ నటించే చిత్రం కోసం భారీగా రెమ్యునరేషన్ నిర్మాత ఆఫర్ చేసినట్టు సమాచారం. ఈ సినిమా షూటింగ్ కోసం పవన్ 40 రోజుల కాల్షీట్స్ కేటాయించినట్టు తెలుస్తున్నది. ఒక్కో రోజుకు పవన్‌కు రూ. కోటి రూపాయల రెమ్యునరేషన్ ఇవ్వడానికి నిర్మాత సిద్ధపడినట్టు తెలుస్తున్నది. అంటే 40 రోజుల కోసం పవన్ 40 కోట్ల రూపాయలు ఈ సినిమాకు పవర్ స్టార్ తీసుకొంటున్నారనే వార్త సినీ వర్గాల్లో జోరుగా ప్రచారం జరుగుతున్నది.

మళ్లీ పోలీసు పాత్రలోనే పవన్ కల్యాణ్

తమిళంలో సూపర్‌స్టార్ విజయ్ నటించిన పోలీస్ సినిమా రీమేక్‌గా ఈ చిత్రం రూపొందుతున్నట్టు తెలుస్తున్నది. పోలీస్ కథను తెలుగు నేటివిటికి అనుగుణంగా మార్చి సరికొత్తగా స్టోరీని తెరకెక్కించే ప్రయత్నం చేస్తున్నారు. మైత్రీ మూవీ మేకర్స్ బ్యానర్‌పై రూపొందుతున్న ఈ చిత్రంలో పవన్ కల్యాణ్ మరోసారి పోలీస్ పాత్రలో కనిపించనున్నారు.