'పులి' తో ఆ అమ్మాయా?

By Staff

Published: Saturday, March 7, 2026, 22:35 [IST]

'పులి' ప్రక్కన నటించే హీరోయిన్లు రోజురోజుకీ మారిపోతున్నారు. టాలీవుడ్ లో హాట్ హీరోయిన్ అయిన హన్సిక డేట్స్ ప్లాబ్లెమ్ తో బయిటకి వచ్చిన సంగతి తెలిసిందే. ఆమెను దాదాపు వంద కాల్ షీట్స్ అడిగారని అలా అయితే కష్టమని దర్శకుడు ఎస్.జె.సూర్య కి చెప్పితే అతను ఆమెను అర్ధంచేసుకుని ఒప్పుకున్నాడట. దాంతో ఆమె ప్లేసు లోకి నక్షా అనే అమ్మాయి వచ్చి చేరింది. ఆమే తెరపై హీరోతో ప్రేమ వ్యవహారాలు నడిపుతుంది. ఇక ఈ సినిమాలో పవన్ కళ్యాణ్ ప్రక్కన మరో హీరోయిన్ గా జ్యోతి కృష్ణ అనే అమ్మాయిని తీసుకున్నారని తెలుస్తోంది.

అలీ వంటి హాస్య నటుడుతో 'తిన్నామా పడుకున్నామా తెల్లారిందా' వంటి చిన్న సినిమాలో చేసిన ఆమె ఈ సినిమాకు ఎంపికవటం అందరినీ ఆశ్చర్యానికి గురిచేస్తోంది. ప్రస్తుతం హైదరాబాద్ లో షూటింగ్ జరుపుకుంటున్న ఈ సినిమాకి బాలీవుడ్ సినిమాటోగ్రాఫర్ వినోద్ ప్రధాన్ కెమెరా పని నిర్వర్తిస్తున్నారు. అలాగే ప్రముఖ సంగీత దర్శకుడు ఎ.ఆర్.రహమాన్ ఇప్పటికే రెండు అధ్భుతమైన పాటలను ఈ సినిమాకోసం స్వరపరిచారని తెలుస్తోంది. నవంబర్ లో సినిమాని పూర్తి చేసి డిసెంబర్ లో సినిమాని రిలీజ్ చేయటానికి ప్లాన్ చేస్తున్నారు.

More from Filmibeat