హోమ్

గాసిప్స్

స్టైలిష్ స్టార్ అల్లు అర్జున్ ప్రస్తుతం పుష్ప సినిమాతో సరికొత్తగా రెడీ అవుతున్న విషయం తెలిసిందే. గతంలో ఎప్పుడు లేని విధంగా పాన్ ఇండియా సినిమాను సెట్స్ పైకి తెచ్చిన అల్లు అర్జున్ ఎలాగైనా తన మార్కెట్ ను నేషనల్ వైడ్ గా పెంచుకోవాలని అనుకుంటున్నాడు. ఓ వర్గం నార్త్ ఆడియెన్స్ కు బన్నీ సుపరిచితమే కాబట్టి తప్పకుండా సినిమా క్లిక్కవుతుందని అనుకుంటున్నారు.

సుకుమార్ డైరెక్ట్ చేస్తున్న ఈ సినిమాపై రోజురోజుకు అంచనాలు భారీగానే పెరుగుతున్నాయి. ఇక సినిమాకు సంబంధించిన మరొక ఇంట్రెస్టింగ్ అప్డేట్ ఇప్పుడు సోషల్ మీడియాలో వైరల్ గా మారింది. పుష్ప షూటింగ్ స్టార్ట్ అయినప్పటి నుంచి కూడా సినిమాలో విలన్ ఇతనే అంటూ అనేక రకాల పేర్లు వినిపించాయి. మొదట విజయ్ సేతుపతి నటిస్తానని చెప్పాడు. కానీ డేట్స్ అడ్జస్ట్ చేయలేక తప్పుకోవాల్సి వచ్చింది.

ఇక ఆ తరువాత ఆరవింద్ స్వామి, విక్రమ్, బాబీ సింహా ఇలా చాలా పేర్లు వైరల్ అయ్యాయి. ఇక ఫైనల్ గా బాలీవుడ్ సీనియర్ నటుడు బాబీ డియోల్ ను ఫిక్స్ చేసినట్లు మరో కొత్త రూమర్ పుట్టుకొచ్చింది. రూమర్స్ ఎన్ని వచ్చినా కూడా విలన్ విషయంలో చిత్ర యూనిట్ ఎలాంటి క్లారిటీ ఇవ్వలేదు. మరి ఈసారైనా ఈ కొత్త గాసిప్ నిజమవుతుందో లేదో చూడాలి. రష్మీక మందన్న హీరోయిన్ గా నటిస్తున్న ఈ సినిమాకు దేవిశ్రీప్రసాద్ మ్యూజిక్ అందించనున్న విషయం తెలిసిందే.