Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
కమల్, రజనీ ...ఇద్దరి మధ్యా సూపర్ క్లాష్
హైదరాబాద్: పద్మశ్రీ కమల్, సూపర్ స్టార్ రజనీ ఇద్దరూ ఒకేసారి పోటీ పడనున్నారా. వీరిద్దరి సినిమాలు ఒకే నెలలో విడుదల కానున్నాయా... అనేది ఇప్పుడు తెలుగు, తమిళ ఇండస్ట్రీలు ఆసక్తిగా ఎదురుచూస్తున్న అంశం. సూపర్స్టార్ రజనీకాంత్ హీరోగా ఎంతో ప్రతిష్ఠాత్మకంగా రూపొందుతున్న చిత్రం 'కోచ్చడయాన్'(విక్రమ్ సింహా). రజనీకాంత్ పుట్టినరోజు డిసెంబరు 12న చిత్రాన్ని విడుదల చేయనున్నట్లు గతంలో వార్తలు వచ్చాయి. ఇప్పటివరకు పాట తప్ప ఆడియో కూడా విడుదల కాలేదు. సినిమా డిసెంబరు మూడో వారంలో మాత్రం తెరపైకి వచ్చే అవకాశాలున్నట్లు సమాచారం.
ఇక కమల్ హీరోగా నటిస్తున్న సీక్వెల్ చిత్రం 'విశ్వరూపం 2'ను డిసెంబరు ఆఖరులో ప్రేక్షకుల ముందుకు తీసుకురానున్నట్లు సంబంధిత వర్గాలు ప్రకటించాయి.ట్రైలర్, ఆడియో కూడా ఆవిష్కరణకు సిద్ధంగా ఉంది. ప్రారంభం నుంచి రజనీకాంత్, కమల్ మధ్య ఆరోగ్యకరమైన పోటీ ఉంది. ఈ సినిమాలు ఒకే నెలలో విడుదలైతే యువ హీరోలకూ స్ఫూర్తిదాయకంగా ఉంటుందన్నది కోలీవుడ్ వర్గాల మాట.
'కోచ్చడయాన్'(విక్రమ్ సింహా) చిత్రాన్ని రజనీ కుమార్తె సౌందర్య దర్శకత్వం వహిస్తున్నారు. మోషన్ కాప్చర్ పరిజ్ఞానంతో తెరకెక్కిన ఈ సినిమా ట్రైలర్ రజనీ అభిమానులను ఆకట్టుకుంటోంది. సాంకేతిక పనితనం చూసి అందరూ ఆశ్చర్యపోతున్నారు. అదే సమయంలో కమల్ చిత్రంపైనా ఓ రేంజిలో అంచనాలు ఉన్నాయి. మొదటి సినిమా వివాదాలతో మొదలై విజయం సాధించింది. ఇప్పుడు ఈ చిత్రం కూడా ఘన విజయం సాధిస్తుంది అని అంటున్నారు. మరి ఈ రెండు చిత్రాల్లో ఏది ఏ రేంజి హిట్ అవుతుందో చూడాలి.