బన్ని ‘రేసు గుర్రం’లో విలన్ సీన్స్ (ఆన్ లొకేషన్ ఫోటోలు)

రవి కిషన్ కి భోజపురిలో మంచి మార్కెట్ ఉంది. అక్కడ హీరోగా అతను చాలా హిట్స్ కొట్టారు. స్టార్ గా వెలుగుతున్నారు. అయితే ఆయనకు తెలుగులో చేయాలని ఎప్పటినుంచో ఉంది. ఈ విషయాన్ని గమనించే ఈ ఆఫర్ ఇచ్చారు.

తెలుగులోనూ ఒక ఊపు ఊరిన నగ్మా కు లవర్ గా రవి కిషన్ పలు మార్లు వార్తల్లోకి ఎక్కారు. అయితే రవికిషన్ కి వివాహం అయ్యాకా ఆ బంధం తెలిపోయింది. నగ్మా, రవికిషన్ కాంబినేషన్ లో సినిమాలు వచ్చాయి.

రేసు గుర్రం చిత్రం వచ్చే సంక్రాంతి (జనవరి 11)రిలీజ్ కానున్నదని తెలుస్తోంది. అదే సంక్రాంతికి...మహేష్ 1 నేనొక్కడినే,బాలకృష్ణ జయకృష్ణ చిత్రాలు విడుదల అవుతాయి. ఆ రెండు పెద్ద చిత్రాలకు పోటీ ఇచ్చే విధంగా ఈ సినిమాని సురేంద్ర రెడ్డి రూపొందిస్తున్నట్లు చెప్తున్నారు.

రేసుగుర్రం చిత్రం గత సంవత్సరం అక్టోబర్లోనే ఈ చిత్రం అఫీషియల్‌గా ప్రారంభోత్సవం జరుపుకుంది. అయితే రకరకాల కారణాల వల్ల లేటయ్యి....ఇప్పుడు షూటింగ్ జరుపుకుంటోంది. మధ్యలో ఇద్దరమ్మాయిలతో చిత్రం వచ్చి విజయవంతమైంది.

ఈ చిత్రంలో అల్లు అర్జున్ బైక్ రేసర్ గా కనిపించనున్నారని తెలుస్తోంది. బన్నీ ఆ సీన్స్ కోసం బైక్ రేస్ ట్రైనింగ్ అయ్యినట్లు తెలుస్తోంది. విలన్ రవికిషన్ కీ, అల్లు అర్జున్ కి మధ్య వచ్చే సీన్స్ కీలకంగా నిలుస్తాయని చెప్తున్నారు.

వినోదం, యాక్షన్‌ల మేళవింపు కథలో కనిపిస్తుందని యూనిట్ చెబుతోంది. ఇటీవలే విదేశాల్లో రెండు పాటల్ని చిత్రీకరించారు. ఈ చిత్రానికి తమన్‌ సంగీతం అందిస్తున్నారు.మాటల్లో చెప్పలేనిది చూపించాం అని చెప్తున్నారు. ఈ సినిమా కొన్ని షెడ్యూల్స్ మిగిలివున్నాయి. వాటిని కూడా అనుకున్న సమయానికి పూర్తి చేయడానికి వేగంగా పనులను పూర్తి చేస్తున్నారు.

రవి కిషన్ ఈ చిత్రం లో చేసే విలనీ కొత్త తరహాలో ఉంటుందని, తెలుగు తెరపై నిలిచిపోతుందని చెప్తున్నారు. ఈ సినిమా విడుదల అయ్యాక రవి కిషన్ ...ఇక్కడే బిజీ అయ్యినా ఆశ్చర్యపోనక్కర్లేదని యూనిట్ వర్గాలు చెప్తున్నాయి.

రవి కిషన్ ఈ చిత్రం షూటింగ్ లో పాల్గొంటూ చాలా ఎంజాయ్ చేస్తున్నానని ట్విట్ లో రాసారు. మాసివ్ యాక్షన్ సీన్స్ తనపై చిత్రీకరించారని అంటున్నారు. చాలా పాజిటివ్ గా ఫీల్ అవుతున్నానని తన అభిమానులకు ఆయన అన్నారు.

రవికిషన్ చేస్తూండటంతో భోజపురి లో కూడా ఈ చిత్రం విడుదల అయ్యే అవకాసం ఉందని తెలుస్తోంది. ఈ మేరకు బిజినెస్ ఆఫర్స్ ...నిర్మాతకు వస్తున్నట్లు చెప్పుకుంటున్నారు. అలా అయితే మరో మార్కెట్ యాడ్ అయినట్లే..

అల్లు అర్జున్ కి ఉన్న మార్కెట్ ని గమనించిన రవికిషన్ ఈ చిత్రంలో చేయటానికి ఆసక్తి చూపించారని తెలుస్తోంది. ముఖ్యంగా అల్లు అర్జున్ చిత్రాలకు మళయాళంలో కూడా మంచి మార్కెట్ ఉండటంతో అక్కడా తను పాపులర్ అయ్యే అవకాసం ఉందని గమనించిన రవికిషన్ ..గ్రీన్ సిగ్నల్ ఇచ్చాడని చెప్తున్నారు.

డాన్ రీమేక్ తో రవి కిషన్ చాలా పాపులర్ అయ్యారు. అతని స్టైలిష్ నటన చూసే సురేంద్ర రెడ్డి ఎంపిక చేసాడని చెప్తున్నారు. డాన్ చిత్రం అక్కడ విజయవంతమయ్యింది. ఇక రేసుగుర్రం తో రవికిషన్ కి ఇక్కడ పేరు వస్తే..అతని చిత్రాలు ఇక్కడ డబ్బింగ్ అవటం ఖాయం.

ఈ చిత్రానికి టాలీవుడ్ టాప్ మ్యూజిక్ డైరెక్టర్లలో ఒకరైన తమన్ సంగీతం అందిస్తున్నారు. తమన్ ఇచ్చిన మ్యూజిక్‌పై తన అభిప్రాయాన్ని ఫేస్ బుక్ లో వెలుబుచ్చాడు అల్లు అర్జున్. అల్లు అర్జున్ స్పందిస్తూ...‘రేస్ గుర్రం చిత్రం కోసం తమన్ ఎక్సలెంట్ సాంగ్స్ ఇచ్చాడు. సినిమా ఆడియో విడుదల ఎప్పుడు జరుగుతుందా అని ఆసక్తిగా ఎదురు చూస్తున్నాను. పాటలు సూపర్ హిట్టవడం ఖాయం' అంటూ తన అభిప్రాయాన్ని వెల్లడించారు. కిక్‌ సినిమాతో హిట్ కొట్టి స్టార్ దర్శకుడిగా మారిన సురేందర్ రెడ్డి, ఆ తర్వాత ఊసరవెల్లితో బోల్తా పడ్డాడు. అయితే ఈచిత్రంతో ఎలాగైనా హిట్ హిట్ కొట్టాలనే కసితో ఉన్నాడు. పేరుకు తగ్గట్టు అల్లు అర్జున్‌ పాత్ర తీరు జెట్‌ స్పీడుతో ఉంటుందని చెప్తున్నారు.

ఇప్పటి వరకు ఈ సినిమా ప్రొడక్షన్ టీం ఈ సినిమాకు సంబందించిన ఎటువంటి ప్రకటన చేయలేదు. నల్లమలుపు బుజ్జి, కె. వెంకటేశ్వరరావు సంయుక్తంగా ఈచిత్రాన్ని నిర్మిస్తున్నారు. ఈ చిత్రానికి కథ : వక్కతం వంశీ, సంగీతం : తమన్, సినిమాటోగ్రఫీ : మనోజ్ పరమహంస, ఎడిటింగ్ : గౌతం రాజు, నిర్మాతలు : నల్లమలుపు శ్రీనివాస్, వెంకటేశ్వర రావు, దర్శకత్వం : సురేందర్ రెడ్డి.