Pushpa 2 లో మరింత పవర్‌ఫుల్‌గా అనసూయ.. ఐటమ్ సాంగ్‌తో వేరే లెవెల్‌లో సుకుమార్!

నటీనటుల నుంచి..

పుష్ప.. ఈ సినిమా గురించి ఎంత చెప్పిన తక్కువే. ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్లో వచ్చిన ఈ చిత్రం ఎంతటి సెన్సేషన్ క్రియేట్ చెసింది అందరికీ తెలిసిందే. ఈ సినిమాలో క్యాస్టింగ్ నుంచి మూవీ టేకింగ్, స్క్రీన్ ప్లే, డైలాగ్ లు, నటీనటుల పెర్ఫామెన్స్ ఒక్కో డైమండ్ అన్నంత టాక్ తెచ్చుకుంది. ఇక సమంత అదిరిపోయే స్టెప్పులేసిన స్పెషల్ సాంగ్ సినిమాను నెక్ట్స్ లెవెల్ కు తీసుకెళ్లింది.

స్పెషల్ గా ఐటమ్ సాంగ్స్..

నిజానికి సుకుమార్ సినిమాల్లో ఐటమ్ సాంగ్స్ ఎప్పుడూ ప్రత్యేకంగానే ఉంటాయి. సుకుమార్-అల్లు అర్జున్ కాంబినేషన్ లో మొదటగా వచ్చిన ఆర్య సినిమాలో అ అంటే అమలాపురం పాటకు సూపర్ రెస్పాన్స్ వచ్చింది. తర్వాత ఆర్య 2లో రింగ రింగ, పుష్ప 2లో ఊ అంటావా సాంగ్స్ కు విపరీతమైన క్రేజ్ ఏర్పడింది. అలాగే జగడం, 100% లవ్, రంగస్థలం చిత్రాల్లో కూడా స్పెషల్ సాంగ్స్ కు సూపర్ క్రేజ్ వచ్చింది.

నెగెటివ్ క్యారెక్టర్ లో..

ఇక యాంకర్ గా మంచి గుర్తింపు తెచ్చుకున్న అనసూయ తర్వాత సినిమాల్లోనూ తనదైన నటనతో మెప్పిస్తూ వస్తోంది. క్షణం మూవీతో నటనపరంగా అట్రాక్ట్ చేసిన బ్యూటిఫుల్ అనసూయ.. రామ్ చరణ్ రంగస్థలం చిత్రంలో రంగమత్తగా విమర్శకుల నుంచి ప్రశంసలు అందుకుంది. తర్వాత పుష్ప సినిమాలో నెగెటివ్ క్యారెక్టర్ దాక్షాయనిగా అలరించింది అనసూయ. ఇలా ఒక్కో సినిమాతో తన గ్రాఫ్ పెంచుకుంటూ పోతోంది అనసూయ.

సుకుమార్ సినిమాల్లో అది పక్కా..

ఇదిలా ఉంటే ఇటీవల అల్లు స్టూడియోస్ లో ప్రత్యేకంగా వేసిన సెట్ లో పుష్ప 2 సినిమా చిత్రీకరణను ప్రారంభించారు. త్వరలోనే బ్యాంకాంక్ తదితర దేశాల్లో ఈ సినిమా షూటింగ్ చేయనున్నారని టాక్. ఇంటెన్సివ్ ఫారెస్ట్ బ్యాక్ డ్రాప్ కి సంబంధించిన సన్నివేశాలను చిత్రీకరించనున్నారట. ఇక సుకుమార్ సినిమా అంటే అందులో ఐటమ్ సాంగ్ కంపల్సరీ. పుష్ప 2లో స్పెషల్ సాంగ్ కోసం తన మెదడుకు పదును పెడుతున్నాడట సుకుమార్.

అనసూయకే ఓటేసిన డైరెక్టర్..

పుష్ప మొదటి పార్ట్ లోని ఐటమ్ సాంగ్ కు మించి డిఫరెంట్ గా ఉండాలని సుకుమార్ ఆలోచిస్తున్నారట. అందుకోసం యాంకర్ అనసూయతో ఐటెం సాంగ్ చేయించాలని ప్లాన్ చేస్తున్నారని టాక్ వినిపిస్తోంది. అయితే ముందుగా బాలీవుడ్ హాట్ బ్యూటి జాన్వీ కపూర్ ను అనుకున్న చివరకు బ్యూటిఫుల్ యాంకర్ అనసూయకే సుకుమార్ ఓటు వేశాడని ఇన్ సైడ్ టాక్. ఇందులో అనసూయ హాట్ నెస్ పీక్స్ లో, మరింత హాట్ గా ఉండేలా ప్లాన్ చేశాడట క్రియేటివ్ డైరెక్టర్ సుకుమార్.

అనసూయ డిమాండ్ దృష్ట్యా

బుల్లితెర యాంకర్ గా పాపులారిటీ సంపాదించుకున్న బ్యూటిఫుల్ అండ్ గ్లామరస్ బ్యూటి అనసూయకు ఉన్న డిమాండ్ దృష్టిలో పెట్టుకుని పాన్ ఇండియా క్రేజ్ అందించేలా సుకుమార్ స్కెచ్ వేశాడని సమాచారం. ఈ ప్రపోజల్ అనసూయ దగ్గరికి కూడా వెళ్లిందని వార్తలు వినిపిస్తున్నాయి. మరి ఈ వార్తల్లో ఎంత నిజముందో తెలియాలంటే మరికొన్ని రోజులు ఎదురు చూడాల్సిందే. అలాగే పుష్ప 2లో అనసూయ మరింత పవర్ ఫుల్ గా కూడా చూపించనున్నారని మరో టాక్ వినిపిస్తోంది.