Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
'రంగస్థలం'కు ఆ సీన్స్ ఆయువుపట్టు: కథ ఇలా మలుపు తిరుగుతుందట..
రాంచరణ్-సుకుమార్ కాంబినేషన్లో రాబోతున్న 'రంగస్థలం'పై భారీ అంచనాలే ఉన్నాయి. గత సినిమాల కన్నా రాంచరణ్ విభిన్న పాత్రలో కనిపించబోతుండటం.. పైగా పీరియాడికల్ బ్యాక్ డ్రాప్లో తెరకెక్కుతున్న సినిమా కావడంతో 'రంగస్థలం'పై అంచనాలు పెరిగిపోయాయి. ఒకప్పటి మెగాస్టార్ సినిమా నుంచి స్ఫూర్తి పొంది ఈ రంగస్థలంను తెరకెక్కిస్తున్నట్లుగా ఆమధ్య ప్రచారం జరిగింది. సినిమాకు కథకు సంబంధించి తాజాగా మరికొన్ని లీకులు బయటకు రావడం గమనార్హం.
ఊర మాస్ రంగస్థలానికి, మెగాస్టార్ సినిమాకు లింకేంటి?: చిరంజీవి నిజంగా అలా అన్నారా?
కథేంటి?:
పూర్తి విరుద్ద భావాలు కలిగిన ఇద్దరు అన్నదమ్ముల కథగా 'రంగస్థలం' తెరకెక్కినట్లు తెలుస్తోంది. ఇందులో రాంచరణ్ సోదరుడిగా ఆది పినిశెట్టి కనిపించబోతున్నారు. ఆది పాత్ర పూర్తిగా నెగటివ్ కోణంలో ఉంటుందని చెబుతున్నారు.
ఆ సీన్స్ హైలైట్ అయువుపట్టు..:
సోదరుడు ఆది పినిశెట్టి తీరు వల్ల రాంచరణ్ కుటుంబానికి కలిగే ఇబ్బందులు.. ఈ క్రమంలో సోదరుల మధ్య తలెత్తే విభేదాలు.. వాటి చుట్టు అల్లుకున్న భావోద్వేగాలతో సినిమా నడుస్తుందని తెలుస్తోంది. ప్రధానంగా రాంచరణ్-ఆదిపినిశెట్టి మధ్య చోటు చేసుకునే సెంటిమెంట్ సన్నివేశాలు సినిమాకు హైలైట్గా నిలుస్తాయని భావిస్తున్నారట.
ఇలా మలుపు తిరుగుతుందట..:
సినిమాలో ఆది పినిశెట్టి పాత్ర చనిపోతుందని, ఆ తర్వాత సినిమా మరో మలుపు తీసుకుంటుందనే టాక్ వినిపిస్తోంది. ప్రత్యక్షంగా.. పరోక్షంగా తాను చూసిన.. తెలుసుకున్న కొన్ని యథార్థ సంఘటనల ఆధారంగా సుకుమార్ ఈ సినిమాను తెరకెక్కించినట్లు చెబుతున్నారు.
ప్రతీకారం నేపథ్యంలో..:
సినిమాలో ఆదిపినిశెట్టి పాత్ర చనిపోతుంది అంటే.. తమ్మున్ని చంపినవాళ్లపై రాంచరణ్ ప్రతీకారం తీర్చుకోవడమే ఈ సినిమాకు క్లైమాక్స్!గా ఉండబోతుందా?.. అందుకే టీజర్ లోనూ రాంచరణ్ ఆవేశంగా కత్తి పట్టుకుని వెళ్తున్న సీన్ చూపించారా? అన్న సందేహాలు వ్యక్తమవుతున్నాయి.
మెగాస్టార్ సినిమాతో లింకు:
అన్నదమ్ముల కాన్సెప్టుతో అప్పట్లో మెగాస్టార్ 'ఊరికిచ్చిన మాట' సినిమా వచ్చిన సంగతి తెలిసిందే. సుకుమార్ కాన్సెప్టు కూడా అదేనన్న లీక్స్ బయటకు రావడంతో.. ఈ రెండు సినిమాలకు లింకు పెట్టారు. కానీ కథాపరంగా ఈ రెండింటికి పోలిక లేదని చెబుతున్నారు.
రిలీజ్ ఎప్పుడు:
ఇటీవలే రిలీజ్ చేసిన రంగస్థలం టీజర్ అభిమానులను విపరీతంగా ఆకట్టుకుంది. సిట్టిబాబు పాత్రలో రాంచరణ్ నటన అభిమానులను మెప్పించింది. ఈ సినిమా మార్చి చివరి వారంలో ప్రేక్షకుల ముందుకు వచ్చే అవకాశం ఉంది. ప్రస్తుతం పోస్ట్ ప్రొడక్షన్ పనులు జరుగుతున్నట్లు సమాచారం.