మెగాస్టార్ చిరంజీవితో మరోసారి త్రిష.. విజయశాంతి, నయనతార రిజెక్ట్ చేసిన పాత్రలో..

ఆచార్య నుంచి తప్పుకోవడం

వాస్తవానికి గతేడాది చిరంజీవి సరసన ఆచార్యలో నటిస్తున్నారనే వార్తలు వచ్చాయి. అయితే దర్శకుడు కొరటాల శివతో విభేదాల కారణంగా తప్పుకొన్నారని, అందుకే ఆచార్యలో నటించే అవకాశం రాలేదని వార్త కథనాలు వెలువడ్డాయి. ఆ స్థానంలో కాజల్ అగర్వాల్ ఆ రోల్‌ను చేస్తున్న సంగతి తెలిసిందే.

లూసిఫర్ రీమేక్‌లో నటించడానికి

ప్రస్తుతం లూసిఫర్ చిత్రం త్వరలోనే సెట్స్‌పైకి వెళ్లే అవకాశం ఉంది. మలయాళంలో ఘనవిజయం సాధించిన మోహన్‌లాల్ చిత్రం ఆధారంగా తెరకెక్కుతున్న సంగతి తెలిసిందే. ఈ చిత్రంలో త్రిషా నటించడానికి గ్రీన్ సిగ్నల్ ఇచ్చినట్టు సమాచారం. అయితే అధికారికంగా వివరాలు వెల్లడి కావాల్సి ఉంది.

చిరంజీవికి చెల్లెలుగా నటిస్తున్నాదా?

లూసిఫర్ చిత్రంలో కీలకంగా ఉండే చిరంజీవి సరసన ఓ చెల్లెలు పాత్ర కోసం తొలుత లేడి అమితాబ్ విజయశాంతి, నయనతారను సంప్రదించారు. అయితే చెల్లెలి పాత్రకు సరిపోవమని నిరాకరించారు. దాంతో త్రిషాను సంప్రదించగా, ఆమె ఒప్పుకొన్నట్టు తెలిసింది.

స్టాలిన్ తర్వాత మరోసారి

చిరంజీవితో త్రిషా కృష్ణన్ నటిస్తున్నారనే వార్త ఇప్పుడు టాలీవుడ్‌లో చర్చనీయాంశమైంది. గతంలో స్టాలిన్ చిత్రంలో హీరోయిన్‌గా నటించిన త్రిషా ఇప్పుడు చెల్లెలి పాత్రలో నటిస్తుండటం ఆసక్తిగా మారింది. అయితే ఈ వార్త నిజమా? రూమరా అనేది కొద్ది రోజుల్లో స్పష్టత వచ్చే అవకాశం ఉంది.

త్రిషా కృష్ణన్ కెరీర్ గురించి

ఇక త్రిషా కెరీర్ విషయానికి వస్తే... గత రెండేళ్లుగా వరుస సినిమాలతో దూసుకెళ్తున్నారు. 96, పెట్టా చిత్రాల సక్సెస్‌తో జోష్‌ను కొనసాగిస్తున్నారు. తమిళంలో పరంపదం విలయట్టు, గర్జనై, చతురంగ వేట్టై 3, రాంగీ, షుగర్, రామ్, పొన్నియన్ సెల్వన్ చిత్రాల్లో నటిస్తున్నారు.