ఆ హీరో నమ్మించి మోసం చేశాడు.. అందుకే బ్రేకప్ జరిగింది.. టాలీవుడ్‌లో ‘అఫైర్‌’పై ఇలియానా

నా సహ నటుడితో అఫైర్

దక్షిణాదిలో నా సహ నటుడితో నేను ప్రేమలో పడ్డాను. పీకల్లోతు అఫైర్‌లో మునిగిపోయాను. జీవితంలో అతడిని నమ్మినంతా ఎవరినీ నమ్మలేదు. కానీ తాను నా నమ్మకాన్ని వమ్ము చేశాడు. దాంతో మా అఫైర్ బ్రేకప్ జరిగింది. నా జీవితంలో కోలుకోలేని దెబ్బ పడింది అని ఇలియానా తెలిపారు.

అతడిని పూర్తిగా నమ్మాను

నా జీవితంలో ఆయనను నమ్మినంతగా మరొకరిని నమ్మలేదు. ఒక్కసారి కాదు పలుమార్లు నా నమ్మకాన్ని దెబ్బ తీశాడు. దాంతో నేను ఇచ్చే విలువకు, నా జీవితానికి సరైన వ్యక్తి కాదని భావించాను. అతని మోసం నుంచి త్వరగా బయటపడ్డాను. జీవితంలో ఓ మంచి గుణపాఠం నేర్చుకొన్నాను అని ఇలియానా పేర్కొన్నది.

టాలీవుడ్ హీరో అనే రూమర్

దక్షిణాదికి చెందిన ఆ హీరో టాలీవుడ్‌కు చెందిన వారేననే రూమర్ మీడియాలో అప్పట్లో వైరల్ అయింది. అతడి పేరును చెప్పడానికి ఇలియానా అంగీకరించలేదు. ఆ సందర్భంగా మాట్లాడుతూ.. మగవారిని అంతగా తేలిగ్గా నమ్మకూడదనే విషయాన్ని అతడిని చూసి నేర్చుకొన్నాను అని ఇలియానా అభిప్రాయపడ్డారు.

మానసికంగా, శారీరకంగా

ఆ హీరోతో బ్రేకప్ తర్వాత మానసికంగా, శారీరకంగా, ఆర్థికంగా కుంగిపోయాను. కానీ తొందరగానే బయటపడి మానసికంగా బలంగా తయారయ్యాను. ఆ బాధ నుంచి త్వరగా కోలుకోవాలని, ఆ విషయాన్ని పీడకలలా మరిచిపోవాలని అనుకొన్నాను. నా నిర్ణయం నన్ను మరింత ధృడంగా మార్చింది అని ఇలియానా ఓ ప్రశ్నకు సమాధానం ఇచ్చారు.

బాలీవుడ్‌కే పరిమితం

దక్షిణాది సినీ రంగానికి దూరమైన ఇలియానా ప్రస్తుతం బాలీవుడ్‌పైనే ఆశలు పెంచుకొన్నది. కాగా, ఇటీవల వకీల్ సాబ్ చిత్రంలో పవన్ కల్యాణ్ సరసన నటించే అవకాశం వచ్చిందనే వార్త మీడియాలో ప్రచారం జరుగుతున్నది. అయితే అధికారికంగా ఇంకా ధృవీకరణ జరుగలేదు.

Recommended Video

MMOF Telugu Movie Trailer || J D Chakravarthy || Akshatha || Manoj Nandan || Akshitha || Benerjee

ఆస్ట్రేలియన్ ఫొటోగ్రాఫర్‌తో

ఇక టాలీవుడ్‌కు దూరమైన తర్వాత 2014 నుంచి ఆస్ట్రేలియన్ ఫోటోగ్రాఫర్ అండ్రూ నీబోన్‌తో డేటింగ్ చేస్తున్నది. ప్రస్తుతానికి అతడితోనే సహజీవనం చేస్తున్నదనే వార్తలు కూడా వచ్చాయి. వారిద్దరు కలిసి పలు పార్టీలలో చెట్టాపట్టాల్ వేసుకొని బహిరంగంగానే కనిపించారు. ఈ మధ్యలో తన భర్త అనే కామెంట్‌ను తన ఇన్స్‌టాగ్రామ్‌లో పేర్కొన్నది.