అనుష్క పెళ్లి మరికొన్ని రోజులు వాయిదా.. ‘సైలెంట్‌’గా మళ్లీ ఆ హీరోతో..!

థ్రిల్లర్ సినిమాలో అనుష్క శెట్టి

అనుష్క ప్రస్తుతం ఓ సస్పెన్స్ థ్రిల్లర్ సినిమాకు గ్రీన్ సిగ్నల్ ఇచ్చినట్టు ఓ వార్త ఇంటర్నెట్ మీడియాలో విస్తృతంగా ప్రచారం అవుతున్నది. వస్తాడు నా రాజు ఫేమ్ డైరెక్టర్ హేమంత్ మధుకర్ రూపొందించే సైలెంట్ అనే చిత్రంలో నటించనున్నారు. ఈ చిత్రం కోసం మాధవన్‌‌తో జతకట్టనున్నారు.

Recommended Video

Anushka's Mother Responds On Anushka's Marraige

కోన వెంకట్ స్వీయ నిర్మాణంలో

సైలెంట్ చిత్రాన్ని పీపుల్స్ మీడియా ఫ్యాక్టరీ బ్యానర్‌పై ప్రముఖ రచయిత, నిర్మాత, దర్శకుడు కోన వెంకట్ రూపొందించనున్నారు. ఈ చిత్రానికి కథను కూడా కోన అందించడం విశేషం. తమిళ, తెలుగు, హిందీ భాషల్లో రూపొందే ఈ చిత్రంలో ఆయా భాషకు చెందిన హీరోలు నటించనున్నట్టు తాజా సమాచారం.

అమెరికాలోని సీటెల్‌లో పూర్తిస్థాయిలో

అమెరికాలోని సీటెల్ ప్రాంతం నేపథ్యంగా సెలైంట్ చిత్రం తెరకెక్కనున్నది. అనుకొన్నదనుకున్నట్టు జరిగితే అమెరికాలో పూర్తిగా తెరకెక్కించిన తొలి చిత్రంగా ఓ రికార్డుగా మారనున్నది. త్వరలోనే ఈ చిత్రానికి సంబంధించిన విషయాలు, వివరాలు అధికారికంగా వెల్లడికానున్నాయి.

ఆర్ మాధవన్‌తో మరోసారి

అనుష్క తన కెరీర్‌ను 2006లో సుందర్ సీ దర్శకత్వంలో రెండు అనే తమిళం చిత్రంతోనే ప్రారంభించింది. అది కూడా మాధవన్ పక్కన నటించడం ద్వారానే. ఆ చిత్రానికి సినీ విమర్శకులు, ప్రేక్షకుల నుంచి అంతగా స్పందన రాకపోవడం గమనార్హం. అయితే మళ్లీ చాలాకాలం తర్వాత మాధవన్‌తో జతకట్టడం విశేషం.