కోవిడ్‌తో బాధపడతున్నారా? ఆక్సిజన్ లెవెల్స్ ఎలా చెక్ చేసుకోవాలంటే.. కరోనా పేషెంట్లకు పూజా హెగ్డే చిట్కాలు!

డాక్టర్ల సూచనతో కరోనా నుంచి విముక్తి

కొద్ది రోజుల క్రితం గ్లామర్ క్వీన్ పూజా హెగ్డే కరోనావైరస్ బారిన పడ్డారు. క్వారంటైన్‌లో ఉంటూ వైద్యుల పర్యవేక్షణలో చికిత్స పొందారు. సరైన పద్దతులను, డాక్టర్ల సూచనతో కరోనావైరస్‌పై పోరాటం చేసి సంపూర్ణ ఆరోగ్యంతో బయటపడ్డారు. ప్రస్తుతం తనకు తెలిసిన విషయాలను ఇన్స్‌టాగ్రామ్‌లో పంచుకొంటున్నారు.

ఆక్సిజన్ లెవెల్స్ చెకింగ్ ఎలా అంటే

నాకు కరోనావైరస్ పాజిటివ్ అని తేలగానే హోం క్వారంటైన్ అయ్యాను. ఎప్పటికప్పుడు ఆక్సిజన్ లెవెల్స్ జాగ్రత్తగా పరిశీలించాలని వైద్యులు వెల్లడించారు. అయితే డాక్టర్లు చెప్పేంత వరకు ఆక్సిజన్ లెవెల్స్ ఎలా చూసుకోవాలో నాకు తెలియదు. డాక్టర్లు చెప్పిన తర్వాతే నాకు ఆక్సోమీటర్ ఎలా ఉపయోగించుకోవాలో తెలిసింది. కరోనా నుంచి సురక్షితంగా బయటపడాలంటే ప్రతీ విషయం చాలా ముఖ్యమైనదని భావించాలి అంటూ పూజా హెగ్డే వెల్లడించారు.

చేతులు తడిగా లేకుండా...

పల్స్ ఆక్సోమీటర్ ఉయోగించడానికి ముందు కొన్ని విషయాలు తెలుసుకోవాలి. చూపుడు వేలుకు ఉండే నెయిల్ పెయింట్‌ను తొలగించుకోవాలి. చేతులు తడిగా లేకుండా శుభ్రం చేసుకోవాలి. ఆక్సిమీటర్‌లో ఆక్సిజన్ లెవెల్స్ చూసుకొనే ముందు కనీసం కొంచెం సేపు రెస్ట్ తీసుకోవాలి అని పూజా హెగ్డే సూచించారు.

చేతిని ఛాతిపైకి తీసుకొని...

ఆక్సిజన్ లెవెల్ పరీక్షించుకొనే ముందు విశ్రాంతి తీసుకొని.. ఆ తర్వాత చూపుడు వేలుగా గానీ.. లేదా మిడిల్ ఫింగర్‌కు గానీ ఆక్సిమీటర్‌ను అమర్చుకోవాలి. ఆ తర్వాత చేతిని ఛాతిపై కి తీసుకువచ్చి ఆక్సీమీటర్‌ను ఆన్ చేయాలి. ఆ తర్వాత ఒక నిమిషం వెయిట్ చేసి హయ్యెస్ట్ రీడింగ్‌ను పరిగణనలోకి తీసుకోవాలి అని పూజా హెగ్డే సూచించారు.

Recommended Video

SSMB 28 లో Mahesh Babu పాత్ర ఇదేనట | Mahesh Babu Trivikram Movie || Filmibeat Telugu

పూజా హెగ్డే కెరీర్ ఇలా...

ఇదిలా ఉండగా.. పూజా హెగ్డే కెరీర్ విషయానికి వస్తే.. ప్రస్తుతం చిరంజీవి నటిస్తున్న ఆచార్య చిత్రంలో ఓ కీలక పాత్రలో కనిపిస్తారు. బాలీవుడ్‌లో సర్కస్ అనే చిత్రంలో నటిస్తున్నారు. అంతేకాకుండా తమిళ సూపర్ స్టార్ విజయ్ నటిస్తున్న Thalapathy 65 చిత్రంలోను, అలాగే మహేష్ బాబు, త్రివిక్రమ్ శ్రీనివాస్ కాంబినేషన్‌లో వచ్చే చిత్రంలో కూడా నటించేందుకు ఒకే చెప్పారు. ఇంకా టాలీవుడ్, బాలీవుడ్‌లో పలు చిత్రాలు చర్చల దశలో ఉన్నాయి.