ప్రియుడితో నయనతార బ్రేకప్ అంటూ వస్తున్న వార్తల వెనుక అసలు రహస్యం ఇదేనట.!

నయనతార కోసం పోటీ పడుతున్నారు

ప్రస్తుతం నయనతార దక్షిణాది ఇండస్ట్రీల్లో హవాను చూపిస్తోంది. ముఖ్యంగా సీనియర్ హీరోల సినిమాలతో పాటు లేడీ ఓరియెంటెడ్ మూవీస్ తెరకెక్కించేందుకు ఆమెను చాలా మంది ఫిల్మ్ మేకర్లు సంప్రదిస్తున్నారట. ఇప్పటికే ఆమె ఎన్నో సినిమాల్లో నటిస్తోంది. అలాగే, మరికొన్ని చర్చల దశలో ఉన్నాయి. దీంతో నయనతార రాబోయే రెండేళ్లలో బిజీగా గడపనుంది.

ఈ రెండు చిత్రాలు మంచి పేరు తెచ్చాయి

నయనతార గత ఏడాది పలు విజయవంతమైన చిత్రాల్లో నటించింది. ఈ సినిమాలు ఆమెకు మంచి పేరును తెచ్చి పెట్టాయి. ముఖ్యంగా మెగాస్టార్ చిరంజీవి నటించిన ‘సైరా: నరసింహారెడ్డి', ఇళయదళపతి విజయ్ హీరోగా వచ్చిన ‘బిగిల్'లో ఆమె అద్భుతమైన నటనను కనబరిచింది. ఈ రెండు సినిమాలూ భారీ బడ్జెట్‌తో తెరకెక్కిన చిత్రాలే కావడం విశేషం.

నయనతార వాటిలో మాత్రం విఫలం

కొన్నేళ్లుగా నయనతార సినీ కెరీర్ విజయవంతంగా సాగుతూ వస్తోంది. ఈ క్రమంలోనే ఆమె లేడీ సూపర్ స్టార్‌గా పేరును కూడా సంపాదించుకుంది. అయితే, ఆమె పర్సనల్ లైఫ్ మాత్రం దీనికి భిన్నంగా సాగుతోంది. కెరీర్ ఆరంభంలో ఓ ప్రముఖ హీరోతో లవ్ ట్రాక్ నడిపిన నయన్.. ఆ తర్వాత ప్రభుదేవాతోనూ చెట్టాపట్టాలేసుకుని తిరిగింది. తర్వాత బ్రేకప్ చెప్పేసింది.

నయన్ జీవితంలోకి యంగ్ డైరెక్టర్

నయనతార కొన్నేళ్ల కిందట యంగ్ డైరెక్టర్ విఘ్నేష్ శివన్‌తో ప్రేమలో పడింది. ఈ విషయం బయటకు వచ్చిన సమయంలోనే తమ బంధం పెళ్లి వరకు వెళ్తుందని ఆమె గతంలోనే ప్రకటించింది. అప్పటి నుంచి వీళ్లిద్దరూ బహిరంగంగానే చెట్టాపట్టాలేసుకుని తిరుగుతున్నారు. ఇటీవల ఈ జంట దేవాలయాలను కూడా సందర్శించిన విషయం తెలిసిందే.

ప్రియుడితో బ్రేకప్.. అసలు రహస్యం ఇదే

కొద్ది రోజులుగా నయనతార.. విఘ్నేష్‌తో విడిపోయిందని ప్రచారం జరుగుతోంది. దీంతో ఈ న్యూస్ దేశ వ్యాప్తంగా హాట్ టాపిక్ అయిపోయింది. ఈ నేపథ్యంలో దీని వెనుక అసలు రహస్యం బయటకు వచ్చింది. దీని ప్రకారం.. ప్రస్తుతం కెరీర్ పరంగా ఫుల్ బిజీగా ఉన్న నయన్.. పెళ్లిని కొద్ది రోజులు వాయిదా వేస్తున్నామని చెప్పిందట. దీంతో ఈ వార్తలు పుట్టుకొచ్చాయని అంటున్నారు.